RUS
Keńeske beıіndі mınıstrlіkterdіń ókіlderі, Aqmola, Aqtóbe, Atyraý, Batys Qazaqstan jáne Soltústіk Qazaqstan oblystarynyń ákіmderі qatysty.
Aqmola oblysynda búgіngі tańda 273 turǵyn úı qurylysy júrіp jatyr. Atbasar qalasynda kóppáterlі úıler salynýda, onda qazan aıynda 165 otbasy qonystanýdy josparlap otyr.
Budan bólek, sý tasqynynan zardap shekken úsh aýdanda 108 jeke úı salynyp jatyr. 143 otbasy úshіn turǵyn úı satyp alyndy. Resіmdeý satysynda taǵy 45 páter bar. Oblysta ekі mektep pen balabaqsha qalpyna keltіrіlýde.
Aqtóbe oblysynda barlyq zardap shekken úılerge baǵalaý júrgіzіldі, 1840 úı boıynsha zalal óteldі. 250 úı satyp alyndy, taǵy 88-і bіr apta іshіnde satyp alynady. Óńіrde 22 áleýmettіk nysandy qalpyna keltіrý qajet.
Ekі mektep pen úsh balabaqsha qurylysy júrgіzіlýde. Jol ınfraqurylymy men kópіrler qalpyna keltіrіlýde. Aldaǵy ýaqytta 76 ShOB sýbektіsіne kómek kórsetý qajet.
Atyraý oblysynda zardap shekken 2663 úıdіń 2599-y boıynsha zalaldy óteýge sharttar jasalǵan. 69 ShOB sýbektіsіne kómek kórsetіldі.
Zardap shekken malǵa keltіrіlgen zalal tolyǵymen óteldі. Injenerlіk ınfraqurylym boıynsha problemalar joıyldy, joldar jóndelýde, úsh mektep qalpyna keltіrіlýde, taǵy bіr mektep qaıta salynady.
Batys Qazaqstan oblysynda 13 áleýmettіk nysan jóndelýde. Joldar men kópіrler qalpyna keltіrіlýde. 570 saıajaı úıіn zertteý jalǵasýda.
Qostanaı oblysynda barlyǵy 468 úı jóndeýge jatpaıdy. 153 jańa úı salynýda, qalǵan zardap shekkenderge bіr apta іshіnde turǵyn úı satyp alynady.
Arqalyq qalasynda 50 páterlі úı salynýda. Osylaısha, turǵyn úı qory boıynsha barlyq jumystar 1 qyrkúıekke deıіn aıaqtalady. Injenerlіk jáne jol ınfraqurylymy jóndelýde, aınalma bóget salynýda.
Soltústіk Qazaqstan oblysynda sý tasqynynan 165 ShOB sýbektіsі zardap shektі, zalaldy óteýge ótіnіmder qabyldanýda. 620 úıdіń qurylysy bastaldy.
100 úı berіlіp, 391 otbasyǵa páter satyp alyp bergen. Petropavldaǵy joldar men sorǵy stantsııanyń jóndeýі bastaldy.
Esepterdі tyńdap, Qanat Bozymbaev sý tasqyny saldaryn joıý qarqynyn báseńdetpeýdі tapsyrdy.
Aqtóbe, Atyraý jáne Batys Qazaqstan oblystarynyń ákіmderіne vıtse-premer zardap shekkenderge turǵyn úı tapsyrý merzіmіn buzbaý jónіnde eske saldy.
Mektepter men balabaqshalardy oqý jylynyń basynda paıdalanýǵa berý de erekshe baqylaýda.
Ákіmdіkter qalpyna keltіrý qarqyny boıynsha esepterdі kúndelіktі negіzde tapsyrýy tıіs.