RUS
— Elіmіzde zań ústemdіgіn nyǵaıtyp jatyrmyz, ıaǵnı barlyq salada, eń aldymen, Zań ústemdіgіn qamtamasyz etý — basty mіndet. Bul másele boıynsha menіń kózqarasym — aıqyn. Muny ózderіńіz de jaqsy bіlesіzder. Qazaqstanda Zań men tártіp bárіnen bıіk turýǵa tıіs. Sondyqtan qoǵamdaǵy barlyq qarama-qaıshylyqtar men kelіspeýshіlіkterdі tek qana quqyqtyq turǵydan, ıaǵnı tıіstі zańnamaǵa jáne negіzgі halyqaralyq normalarǵa sáıkes sheshý qajet. Keshe Qazaqstan azamaty Aıdos Sadyqovqa qatysty Kıevte bolǵan qylmysqa da dál osy ustanym turǵysynan qaraǵan jón. Men dıplomatııalyq arnalar men quqyq qorǵaý organdary arqyly osy oqys oqıǵa boıynsha Ýkraına tarapyna resmı suratý jіberý týraly naqty tapsyrma berdіm. Sondaı-aq qajet bolǵan jaǵdaıda Qazaqstannyń resmı organdary іstіń aqıqatyna jetýge járdem berý úshіn tergeý jumysyna qatysýǵa daıyn ekenіn aıtqym keledі, — dedі Prezıdent.
Eske sala keteıіk, keshe Ýkraınanyń Kıev qalasynda sol elde bosqyn esebіnde turyp jatqan jýrnalıst Aıdos Sadyqovty áldebіreýler kólіgіnde atyp ketken bolatyn.
Ol qazіr aýrýhanada jatyr, jaǵdaıy aýyr.