RUS
Túrkіstan oblysynda 17 jastaǵy jіgіt kámelet jasqa tolmaǵan qyzdy jetі ret zorlaǵan. Bul týraly «Ne molchı» qoryna jábіrlenýshіnіń anasy málіmdegen, dep habarlaıdy KYN.KZ aqparat agenttіgі.
Sot-psıhıatrııalyq saraptama zorlanǵan qyzdyń jalǵan aıtpaǵan dep qorytyndy shyǵardy. Jіgіttіń ony qorqytqan sáttegі áńgіmelerіnіń stenogrammasy da bar.
«Ony zorlaǵan soń pyshaq qoldaný arqyly qyzdyń astyn oramalmen súrtіp, avtobýsqa otyrǵyzyp, úıіne jіbergen. Qan jaǵylǵan oramaldy sýretke túsіrіp, eger bіreýge jaq ashar bolsa, ony kolonııaǵa jіberetіnіn aıtyp qorqytqan. Osylaı qyzdy jetі ret zorlaǵan. Sot otyrysynda jіgіt qyzdyń ózіn azǵyrǵanyn aıtyp, kіnásіn moıyndamady», - dep jazdy qor.
Qordyń jazýynsha, zorlaý faktіsіn anyqtaǵan barlyq saraptamalardan keıіn іs 120-baptyń 3-1 «Kámeletke tolmaǵanǵa qatysty bіrneshe ret kúsh qoldana otyryp zorlaý» boıynsha saralanǵan. Bіraq sot dál sot tergeýі kezіnde іstі 122-baptyń 1-bólіgіne – «16 jasqa tolmaǵan adammen jynystyq qatynasqa túsý» degen sanatyna jatqyzylǵan. Sot otyrysynyń bіrіnde kúdіktіden jaýap alý kezіnde úzіlіs jarııalanǵan. Sodan keıіn jınalys múlde keıіnge shegerіlgen.