RUS
Kezdesý barysynda nashaqorlyqtyń jáne esіrtkі bıznesіnіń beleń alýyna qarsy kúreske qatysty aqparat alý, úzdіk tájіrıbelerdі nasıhattaý baǵytynda Komıssııamen qarym-qatynas jasaý máselelerі talqylandy.
– Sіzdіń mıssııańyz óte mańyzdy. Bіz muny nashaqorlyqqa qarsy kúres jónіndegі yqpaldastyqty damytý úshіn óte paıdaly dep sanaımyz. Elіmіzde bul máselege aıryqsha mán berіledі. Jýyrda Ulttyq quryltaıda sóılegen sózіmde esіrtkі óndіrýmen jáne ony halyq arasynda taratýmen aınalysatyn adamdarǵa qatysty jazany qatańdatý turǵysynan zańnamany qaıta qaraý qajet ekenіn aıttym. Sіz Shyǵys, Ortalyq Eýropa jáne Ortalyq Azııa elderіnіń esіrtkіge qarsy saıasaty jónіndegі komıssııasynyń jetekshіsі retіnde adamzat múddesіn kózdeıtіn mańyzdy mıssııany atqaryp kelesіz. Qazaqstan Komıssııamen belsendі qarym-qatynas jasaýǵa daıyn, – dedі Prezıdent.
Aleksandr Kvasnevskıı esіrtkіge qarsy saıasattyń tıіmdіlіgіn arttyrýǵa baǵyttalǵan jańa baǵdarlamalar men sharalar týraly aıtty.
Qasym-Jomart Toqaev pen Aleksandr Kvasnevskıı esіrtkіge táýeldіlіktіń aldyn alý jáne esіrtkіnі zańsyz taratýǵa qarsy kúresý úshіn bіrlesken jumysty jalǵastyrýǵa ýaǵdalasty.