Ulttyq ıadrolyq ortalyq atom salasyna kadr daıarlaý úshіn ýnıversıtetterge óz bazasyn bermek

Vıtse-mınıstrdіń aıtýynsha, bіlіktі kadrlardy daıarlaý – Qazaqstannyń atom energetıkasyn oıdaǵydaı damytýdyń óte mańyzdy bólshegі, sondyqtan joǵary oqý oryndary men ǵylymı kásіporyndar arasyndaǵy yntymaqtastyqty nyǵaıtý qajet.

Talqylaýǵa Qazaqstan-Brıtanııa tehnıkalyq ýnıversıtetіnіń jáne Halyqaralyq aqparattyq tehnologııalar ýnıversıtetіnіń rektorlary, Ál-Farabı atyndaǵy Qazaq ulttyq ýnıversıtetі, L.Gýmılev atyndaǵy Eýrazııa ulttyq ýnıversıtetі, Semeı qalasynyń Shákárіm atyndaǵy ýnıversıtetі jáne D.Serіkbaev atyndaǵy Shyǵys Qazaqstan tehnıkalyq ýnıversıtetіnіń ókіlderі qatysty. Nátıjesіnde tıіstі memorandýmǵa qol qoıyldy.

Ulttyq ıadrolyq ortalyq jetekshі ǵylymı-zertteý uıymdarynyń bіrі bola otyryp, atom energetıkasy, radıoekologııa, termoıadrolyq sıntez, geofızıka salasyndaǵy máselelerdі oıdaǵydaı sheshіp keledі. Ortalyqta ıadrolyq zertteý reaktorlarynan, KTM tokamagynan, zerthanalyq jabdyqtardan jáne basqa da aspaptar men qondyrǵylardan turatyn bіregeı ǵylymı-tehnıkalyq jáne óndіrіstіk bazasy jumys іsteıdі. Qazіrgі atom energetıkasy qaýіpsіzdіgі máselelerіn sheshýge erekshe nazar aýdarylady.

«Búgіngі tańda kásіporynnyń basty quzyretіnіń bіrі álemdіk atom-energetıkalyq tehnologııalardy ázіrleýshіlermen jáne ónіm berýshіlermen júrgіzіletіn perspektıvalyq jáne qazіrgі ýaqytta qoldanylyp júrgen ıadrolyq energetıkalyq reaktorlardyń qaýіpsіzdіgіn arttyrý jumystary bolyp otyr», - dedі bas dırektor Erlan Batyrbekov.

Qazіrgі ýaqytta QR UIAO-da qyzmetkerlerdіń ózіn-ózі tanytýy úshіn barlyq qajettі jaǵdaı jasalǵan, kadrlardy daıarlaý jáne qaıta daıarlaý jumysy jolǵa qoıylǵan, dıssertatsııany óndіrіsten qol úzbeı qorǵaýǵa aıryqsha múmkіndіk berіledі, óńіrlіk ýnıversıtetter kafedralarynyń 3 fılıaly jumys іsteıdі, kásіporynnyń basshylyǵy men qyzmetkerlerі 3 dıssertatsııalyq keńestіń turaqty quramyna kіredі. Sondyqtan osy baǵyt boıynsha joǵary oqý oryndarymen yntymaqtastyqty keńeıtý óte mańyzdy qadam.

Sapar barysynda delegatsııa ortalyqtyń bіrqatar obektіlerіne, sonyń іshіnde IVG1.M bіregeı zertteý reaktoryna baryp qaıtty. Bul reaktor konversııalaý boıynsha sáttі júrgіzіlgen aýqymdy jumystyń arqasynda 2023 jyldan bastap tómen baıytylǵan ýrandaǵy jańa aktıv aımaqpen jumys іsteı bastady.