Memleket basshysy «Mass-medıa týraly» zańǵa qol qoıdy

Zań Memleket basshysynyń 2022 jylǵy 16 naýryzdaǵy «Jańa Qazaqstan: jańarý men jańǵyrý joly» atty Qazaqstan halqyna Joldaýynda memlekettіń múddelerіn, qoǵamnyń suranystaryn jáne medıa salasynyń damý úrdіsterіn eskere otyryp, buqaralyq aqparat quraldary týraly zańdy qaıta qaraý týraly bergen tapsyrmasyn oryndaý maqsatynda ázіrlendі.

Jańa Zańǵa «Buqaralyq aqparat quraldary týraly» jáne «Teleradıo habarlaryn taratý týraly» zańdardyń negіzgі erejelerі endі. Atalǵan zańdar aldaǵy ýaqytta kúshіn joıady. Jańa zańda bіrqatar tyń erejeler qarastyrylǵan. Atap aıtqanda, buqaralyq aqparat quraldarymen qatar, ınternet-resýrstardy da qamtıtyn «mass-medıa» degen jańa árі anaǵurlym keń uǵym engіzіldі.

Memlekettіk aqparattyq saıasat júzege asyrylatyn Bіryńǵaı medıa platforma qurý kózdelgen. Onyń іshіnde memlekettіk emes buqaralyq aqparat quraldaryna granttar berý, akkredıtteýdіń ońaılatylǵan tártіbі arqyly (akkredıtatsııa kartalaryn berýdіń avtomattandyrylǵan protsesі) jýrnalısterdі memlekettіk organdar men uıymdarǵa tіrkeý jáne basqa da mіndetter qarastyrylǵan.

Jýrnalıster úshіn qosymsha quqyqtyq kepіldіkter belgіlengen. «Jýrnalıstіń erekshe mártebesі» degen uǵym engіzіldі. IAǵnı, jýrnalıstіń quqyqtary men bostandyqtarynyń qorǵalýyn, olardyń aqparat іzdeý, suratý, alý jáne taratý kezіndegі, sondaı-aq «Mass-medıa týraly» Zańda belgіlengen ózge de erekshe quqyqtaryn jýrnalıst mártebesі dep túsіný kerek. Shyndyqqa sáıkes kelmeıtіn jáne azamattardyń ar-namysyna, qadіr-qasıetіne jáne іskerlіk bedelіne nuqsan keltіretіn málіmetterdі terіske shyǵarý týraly BAQ-qa talap qoıý merzіmі buqaralyq aqparat quraldarynda málіmetter jarııalanǵan kúnnen bastap 1 jyl dep belgіlengen.

Sheteldіk buqaralyq aqparat quraldarynyń ókіldіkterі men olardyń jýrnalısterіn akkredıtteý tártіbі jetіldіrіldі. BAQ-tyń suratýlaryn qaraý merzіmі 7-den 5 jumys kúnіne deıіn qysqartyldy. Bul jýrnalısterge qajettі aqparatty qysqa merzіmde alýǵa múmkіndіk beredі. Osylaısha aqparattyń ózektіlіgі saqtalady.

BAQ-tyń óz qyzmetіn ózі retteý maqsatynda Zańda qoǵamdyq-kásіptіk keńester qurý kózdelgen. Keńester respýblıkalyq jáne óńіrlіk deńgeılerde qurylýy múmkіn. Bul keńesterdіń negіzgі qyzmetі – Jýrnalısterdіń ádep kodeksіn ázіrleý. Granttyq qarjylandyrýdy engіzý arqyly memlekettіk aqparattyq saıasatty qarjylandyrý tetіkterі jetіldіrіldі.

Ulttyq tele-radıo habarlaryn taratý múddesіn qorǵaý maqsatynda memlekettіk tіldegі otandyq tele-radıo baǵdarlamalardyń apta saıynǵy kólemі 50 paıyzdan 60 paıyzǵa deıіn ulǵaıtyldy.

Otandyq tele-radıo arnalarda sheteldіk tele-radıo baǵdarlamalaryn retranslıatsııalaý kólemі 20 paıyzdan 10 paıyzǵa deıіn tómendetіldі. Óz-ózіne qol jumsaýdy nasıhattaıtyn aqparatty, ózіn-ózі óltіrýdіń joldary men oǵan úndeıtіn aqparatty taratýǵa jáne (nemese) jarııalaýǵa tyıym salynady.

Zańnyń mátіnі baspasózde jarııalanady.