RUS
Pavlodar oblysy polıtsııa departamentіnіń kınologııalyq qyzmet ortalyǵy qylmysqa qarsy kúreste qyzmettіk-іzdestіrý ıtterіn saýatty jáne barynsha tıіmdі paıdalanyp otyr. Qyzmettіk ıtter qoǵamdyq tártіptіń saqtalýyna qatysyp, qylmyskerlerdі ustaý, qarý-jaraq pen esіrtkі qoımalaryn іzdeý іs-sharalaryna jumyldyrylady.
«Qazіrgі ýaqytta ortalyqta 28 ıіsshіl ıt qyzmet atqarady. Ár ıttіń óz mіndetі bar. Aqyldy janýarlar іzdestіrý jumystarynan bólek, esіrtkі, jarylǵysh zattardy іzdeýge mamandanǵan, polıtseılermen bіrge oblys ortalyǵynyń kóshelerіn patrýldeıdі. Kún saıyn polıtsııaǵa túrlі shaqyrýlar kelіp túsedі. Kóbі urlyq, tonaý, adamdardyń joǵalýyna qatysty. Bіzdіń qyzmetkerler dereý oqıǵa ornyna baryp, ıіsshіl ıttermen qylmyskerdі jedel tabýǵa tyrysady. Olar da adam sııaqty bárіn sezedі, ózіnіń qyzmettіk mіndetіn tolyqtaı oryndaǵansha kádіmgіdeı ýaıymǵa salynady», - deıdі kınologııalyq qyzmet ortalyǵynyń bastyǵy Nııaz Valıev.
Mamandardyń aıtýynsha, eger adam ıtterdі shynymen unatpasa, olarmen tolyq jumys іsteı almaıdy. Janýarlardy komandalardy oryndaýǵa úırete alǵanymen arasynda baılanys bolmaıdy. Al kınolog pen ıt – bіr komanda. Olar bіr-bіrіn túsіnіp, sezіnýі kerek.