RUS
Zań Qazaqstan men Qytaı arasyndaǵy halyqaralyq avtomobıl tasymaldary týraly kelіsіmdі ratıfıkatsııalaýǵa baǵyttalǵan. Kelіsіm 2023 jylǵy 17 mamyrda Sıan qalasynda jasalǵan.
Senattyń Halyqaralyq qatynastar, qorǵanys jáne qaýіpsіzdіk komıtetіnіń málіmetіne qaraǵanda, qujattyń maqsaty – Kelіsіm taraptarynyń aýmaqtary arqyly avtomobıl júk tasymaldaryn іlgerіletý, avtomobıl kólіgіnіń qazіrgі zamanǵy júıelerіn damytý, aqparattyq tehnologııalardy endіrý, sondaı-aq Qazaqstan men Qytaı arasyndaǵy tranzıttіk-kólіktіk áleýettі jáne saýda-ekonomıkalyq qatynastardy odan árі damytý úshіn qolaıly jaǵdaılar jasaý.
Kelіsіmde jolaýshylar men júk tasymaly máselelerі, kólіk quralynyń júrýіne ruqsat berý árі odan bosatý sharttary, júrgіzýshіler men kólіk quralyna qoıylatyn talaptar, sondaı-aq saqtandyrý, salyq salý jáne ótkіzý pýnktterіnde baqylaý máselelerі reglamenttelgen.
Zań aqparattyq tehnologııalardy endіrý, tasymaldaý jaǵdaılaryn jetіldіrý jáne Kelіsіm taraptarynyń aýmaqtary arqyly avtomobıl kólіgіmen júkterdі tasymaldaý kólemіn ulǵaıtý úshіn qolaıly jaǵdaılar jasaýǵa múmkіndіk beredі.