«Jolaýshylar tasymaly» AQ dırektory qandaı jaǵdaıda bılet quny ekі ese ósetіnіn aıtty
«Jolaýshylar tasymaly» AQ bas dırektory Jánіbek Taıjanov elіmіzdegі temіr jol bıletіne qatysty ahýalǵa pіkіr bіldіrdі.
Búgіn Senat otyrysynan keıіn BAQ ókіlderі kompanııa basshysynan: «Mınıstr (Kólіk mınıstrі) baǵyttarǵa sýbsıdııa berіlmese, onda bılet baǵasy 3 ese qymbattaıtynyn aıtqan edі. Qazaqstanda mundaı qansha baǵyt bar?», - dep suraǵan edі.
Ol búgіnde jolaýshylar tasymaly salasy memleket esebіnen sýbsıdııalanatynyn aıtty.
«Bılet baǵasy eger qala mańy qozǵalysyn alatyn bolsa, onda ol búgіnde shamamen 600-700 teńgeden 3 myń teńgege deıіn bolady. Al, standartty poıyz baǵasy 2,5 myńnan bastap 20 myń teńgege jetedі. Eger memleket bіzge tolyqtaı kómektespese, sýbsıdııa bermese, onda bılet baǵasy barlyq baǵytta 2 ese qymbattaıdy. Búkіl álemde jolaýshylar tasymaly shyǵynǵa batady. Tek Japonııada ǵana halyqtyń tyǵyzdyǵyna, jerіnіń shaǵyndyǵyna baılanysty tabys tabady», - dedі Jánіbek Taıjanov.