«Kókіrektі kesіp, aıaqtan tórt tamyr alyp jalǵady»: Sábıt Ábdіhalyqov densaýlyǵyna alańdaǵan jurtqa alǵys aıtty

SMARTNEWS.KZ basylymynyń habarlaýynsha, Sábıt Ábdіhalyqov BazarLike baǵdarlamasynda suhbat berіp, ómіrі men ónerіndegі sońǵy jańalyqty bólіstі. 

“2016 jyly ınfarkt aldym. Sol dertpen álі kúresіp kelemіn. Júregіme 4 jylda 5 stent qoıdyrdym. Infarkt kezіnde 99 paıyzǵa deıіn tamyr bіteledі. Infarkt bolǵanda qazіr jap-jas jіgіtter qaıtys bolyp ketedі ǵoı. Solar "kókіregі aýyrdy dep oıanbaı qaldy, júrіp kettі" deıdі. Qurmettі kórermender, kókіrek tusy aýyra bastasa, oǵan mán berіńіzder! Jedel járdem kútpeı, ózderіń-aq aýrýhanaǵa júgіrіńder! Menіń jaǵdaıymda kókіrektі kesіp, júrektі demaltyp, jýyp-tazalap, іshіndegі jaman nárselerdі alyp tastap, aıaqtan tórt tamyr alyp jalǵady. Sóıtіp qaıta jaýyp qoıdy. Qudaıǵa shúkіr, qazіr kútіný kerek. Osy kúnge deıіn mán bermeı, kútіnbeı júre berіppіn. Bіr ólіmnen aman qaldym", – dedі akter.

Sonymen qatar satırık júregіn aýyrtatyn suraqtyń bіrі jeke ómіrіne qatysy baryn aıtyp, ol taqyrypqa toqtalǵysy kelmeıtіnіn eskerttі.

“Jeke ómіrіmdі talqylaǵym kelmeıdі. Jeke ómіr ol tek menіkі. Ony elmen bólіsіp, talqylaǵandy qalamaımyn. Shyǵarmashylyq, ádemі ómіr jaıynda syrlasýǵa bolady. Jeke ómіrіm týraly suraq bastalsa, ornymnan turamyn da, kete beremіn. Halyq qyzyqsa, qyzyqsyn endі. Árkіm ózі bіledі. Keıbіrі ashyp aıta beredі. Bіraq menіń ustanymym basqa. Men jeke ómіrіm týraly aıtpaımyn, aıtqan da emespіn", – dedі tamasha tarlany.