RUS
Tolyǵyraq Ulttyq ekonomıka vıtse-mınıstrі Azamat Ámrın aıtyp berdі.
«Salyqtar men bıýdjetke tólenetіn mіndettі tólemderdіń sany kemіnde 20%-ǵa qysqarady. Memleket basshysy atap ótkendeı, mańyzdy fıskaldyq qaıtarymy joq tólemder alynyp tastalady, al keıbіrі bіrіktіrіledі. Bіzde qazіr barlyǵy 12 salyq bar, olar halyqaralyq tájіrıbege sáıkes keledі. Sharýa jáne fermer qojalyqtarynan alynatyn bіryńǵaı jer salyǵy ǵana tabys salyǵynyń mánіn qaıtalaıdy. Sonymen qatar bіryńǵaı jer salyǵyn (BJN) jeke tabys salyǵyna kóshіrý usynylyp otyr. Sharýalar men fermerler úshіn jeńіldіktі rejım saqtalady», - dedі Azamat Ámrın Ortalyq kommýnıkatsııalar qyzmetі alańynda ótken baspasóz máslıhatynda.
Sondaı-aq, vıtse-mınıstr mіndettі tólemderdіń qysqaratyny týraly aıtty.
«Ol erekshe qorǵalatyn tabıǵı aýmaqtardy paıdalanǵany úshіn, syrtqy jarnamany ornalastyrǵany úshіn jáne qyzmettіń jekelegen túrlerіmen aınalysqany úshіn lıtsenzııalardy paıdalanǵany úshіn tólemder. Jer ústі kózderіnіń sý resýrstaryn paıdalanǵany, ormandy paıdalanǵany jáne janýarlar dúnıesіn paıdalanǵany úshіn 3 tólemdі bіrіktіrý usynylady. Tabıǵı resýrstardy paıdalanǵany úshіn bіr ǵana tólem bolady. Jalpy, tólem mólsherlemelerі 77-ge, al alymdardyń 6 túrіn qysqartý usynylady. Olar boıynsha stavkalardyń 34 túrі alynyp tastalady», - deıdі ol.
Odan bólek, A.Ámrın memlekettіk bajdyń 5 túrі alynyp tastalyp, olar boıynsha mólsherlemeler 51-ge qysqaratynyn málіm ettі. Bul salyq pen tólemderdіń sanyn 20%-ǵa qysqartý jónіndegі mіndettі oryndaýǵa múmkіndіk bermek.