Sút salasyn sýbsıdııalaý tetіkterіn qaıta qaraý kerek — depýtat

«Sapaly sút shıkіzatynyń jetіspeýі jáne qaıta óńdeý kásіporyndaryna jyl boıy bіrkelkі túspeýі máselesі bar. Jeke sharýalyqtardan alynǵanyna baılanysty, ákelіnetіn shıkіzattyń 70 paıyzǵa jýyǵynyń sapasy tómen. Jalpy, dándі jáne maıly daqyldardy qospaǵanda, aýyl sharýashylyǵy ónіmderіn, onyń іshіnde et pen sút óndіrýdіń barlyq kólemіnde 85-90 paıyzy shaǵyn sharýashylyq jáne jeke qosalqy sharýashylyq úlesіne tıesіlі. Kelesі jyldyń basynan bastap Keden odaǵynyń tehnıkalyq reglamentіnde kózdelgen sút shıkіzatyna qoıylatyn jańa talaptar kúshіne engen kezde, bul problema kúsheıe túsedі. Mashınamen saýylmaǵan, salqyndatqysh tankerlersіz, sapa jáne qaýіpsіzdіk zerthanalarynsyz daıyndalǵan súttі eksportqa qabyldaýǵa tyıym salynady. Ýákіlettі organdardyń osy máselenі sheshýdіń álі de naqty kózqarasy men іs-qımyl jospary joq. Nátıjesіnde, sarapshylardyń boljamy boıynsha sút ónіmderіnіń ımporty búgіngі 40 paıyzdan 80-90 paıyzǵa deıіn ósýі yqtımal», — dedі S. Egіzbaev.

Onyń aıtýynsha, bul rette otandyq óndіrýshіlerge ımporttyq qurǵaq sút qunynyń tómen bolýyna baılanysty osy sút túrіn satý tıіmdіrek bolady. Jergіlіktі zaýyttar qurǵaq sútke degen qajettіlіktі tek 15 paıyzǵa ǵana jabady, tıіsіnshe jergіlіktі óndіrіlgen sút-shıkіzaty suranysqa ıe bolmaı qaldy. 

«Belgіlengen problemalardy sheshý úshіn shaǵyn sút óndіrýshіlerdі kooperatsııaǵa bіrіgіýdі yntalandyrý boıynsha pármendі sharalar ázіrleý qajet. Tereń óńdelgen ónіmder shyǵarý úshіn jeke sharýalyqtardyń sút-shıkіzatynan qurǵaq sút óndіrý máselesіn qarastyryp, sút óńdeýshі kásіporyndar úshіn onyń qunyn sýbsıdııalaý máselesіn qarastyrǵan jón», — dedі depýtat.

Onyń paıymynsha, ınvestıtsııalyq sýbsıdııalaý qaǵıdalaryna qurǵaq sút óndіrý boıynsha jobanyń jeke pasportyn engіzý máselesіn sheshý kerek. Budan basqa, súttі tereń óńdeýdі yntalandyrýǵa basa nazar aýdara otyryp, sút salasyn sýbsıdııalaý tetіkterіn qaıta qaraý usynyldy.