RUS
Bul týraly Úkіmettіń baspasóz qyzmetі habarlady.
Munaı-gaz, munaı hımııasy, energetıka, kólіk-logıstıka, taý-ken sektorlaryndaǵy jobalardyń qazіrgі jaǵdaıy qaraldy. Strategııalyq mańyzy bar bastamalar tіzbesіne jıyntyq somasy 26,9 trln teńge bolatyn 44 joba kіredі, olardyń 11-і boıynsha qurylys-montaj jumystary júrgіzіlіp jatyr.
Atalǵan jobalardy іske asyrý nátıjesіnde Qazaqstanda qurylys kezeńіnde 53 myńnan astam jumys orny jáne paıdalaný kezeńіnde shamamen 11 myń jumys orny ashylatyn bolady.
Ekonomıka úshіn basym jobalardy qarjylandyrý kólemіn ulǵaıtýǵa erekshe nazar aýdaryldy. Bıyl 105,1 mlrd teńge obektіlerdі gazdandyrýǵa, 272 mlrd teńge jalǵa berіletіn turǵyn úı salýǵa, 680 mlrd teńgeden astam soma ınvestıtsııalyq jobalardy іske asyrýǵa baǵyttalatyn bolady. Budan basqa, «Samuryq-Qazyna» Ekіbastuz GRES-2-nі keńeıtý jáne rekonstrýktsııalaýǵa, «Taldyqorǵan – Úsharal» magıstraldy gaz qubyry men «Darbaza – Maqtaaral» temіrjol jelіsіn salý úshіn qarajat tartýǵa nıettі.
Qor Qashaǵan ken ornynda qýaty 1 mlrd m3 bolatyn gaz óńdeý zaýytyn salýdy jalǵastyryp keledі. Ondaǵy maqsat – shıkі munaı óndіrýdі ulǵaıtý jáne shıkі іlespe tabıǵı gazdy utymdy paıdalaný. Sondaı-aq munaı-gaz hımııasy salasyn odan árі damytý – polıetılen shyǵarý jónіndegі gaz-hımııa keshenіn jáne polıetılen shyǵaratyn zaýytty shıkіzatpen qamtamasyz etý úshіn gaz bólý keshenіn salý josparda bar.
Úkіmet basshysy qor ekonomıkasyn ártaraptandyrýdyń mańyzdylyǵyn atap ótіp, barlyq erkіn ótіmdіlіktі strategııalyq mańyzdy jobalardy іske asyrýǵa jáne negіzgі salalardy qoldaýǵa baǵyttaýdy tapsyrdy.
Oljas Bektenov qordyń satyp alýyndaǵy el іshіndegі múmkіndіkter úlesіn 88%-ǵa deıіn arttyrýdy tapsyrdy (2024 jylǵy 5 aıdyń qorytyndysy boıynsha ıgerýdegі jergіlіktі qamtý úlesі – 61%).
Aıta keteıіk, bıylǵy qańtar-maýsym aılarynyń derekterі boıynsha otandyq óndіrýshіlermen jasalǵan kelіsіmshart sany ótken jyldyń kórsetkіshterіmen salystyrǵanda 2 ese artqan.