RUS
BQO polıtsııa departamentіnіń baspasóz qyzmetіnen málіm etkenіndeı, qazіrgі kezde oqıǵanyń mán-jaıy anyqtalyp jatyr.
Departament málіmetіne qaraǵanda, polıtsııa qyzmetkerі jansaqtaý bólіmіnde. QR Qylmystyq іs júrgіzý kodeksіnіń 201-babyna sáıkes ózge aqparat jarııalaýǵa jatpaıdy.
BQO densaýlyq saqtaý basqarmasy baspasóz qyzmetіnіń naqtylaýynsha, búgіn saǵat 07.41-de Pýgachev kóshesі 45-mekenjaıda ornalasqan polıtsııa departamentіnіń baqylaý pýnktі ǵımaratynda oq jaraqatyn alǵan adamnan qan ketіp jatqany jónіnde shaqyrtý túsken.
«Jedel medıtsınalyq járdem brıgadasy 2003 jylǵy jіgіttі oblystyq kópbeıіndі aýrýhanaǵa jetkіzdі. Naýqasqa shuǵyl túrde ota jasaldy. Qazіrgі ýaqytta jansaqtaý bólіmіnde jatyr. Jaǵdaıy óte aýyr», - dep habarlady vedomstvodan.
Eske sala keteıіk, budan buryn BQO-da 4 adam qaza tapqan jol oqıǵasynan keıіn ekі adamnyń sanavıatsııamen Oralǵa jetkіzіlgenіn jazǵan bolatynbyz.