RUS
Bul týraly ol Facebook-tegі paraqshasynda jazdy.
Irına Smırnovanyń aıtýynsha, 23 maýsym túngі saǵat 23:35-te Air Astana áýe kompanııasynyń ushaǵymen Almatydan Astanaǵa ushýy kerek bolǵan. Alaıda, ol reıs 16:30-da ushyp ketken.
«Jetі saǵat erte ushyp ketken. Men bılet satyp alǵan jerden de, áýe kompanııadan da eshqandaı habarlandyrý alǵan joqpyn. Tіptі ushyp kete de almas edіm. Óıtkenі osy ýaqytta mende buryn josparlanǵan іs-shara boldy.Tańerteńgі reısterge múldem bılet joq. Ekonom sanatyna da, bıznes klasqa da bolmady. Olar barlyq shaǵymdy bıletterdі alǵan kompanııaǵa jіberýdі usyndy. Buǵan áýe kompanııasynyń ózі emes, basqa bіreý kіnálі. Dúısenbіde men shaǵym túsіrіp, sotqa baramyn», - dep jazdy ol.
«Air Astana» áýe kompanııasynyń baspasóz qyzmetі atalǵan jaǵdaıǵa qatysty túsіnіk berdі.
«23 maýsym kúnі ushatyn Almaty – Astana baǵyty boıynsha KS 955 reısі óndіrіstіk jaǵdaıǵa baılanysty saǵat 23:35-ten 16:30-ǵa ózgertіldі. 21 maýsym saǵat 09:48-de, ıaǵnı ushýǵa ekі kún qalǵanda brondaýda kórsetіlgen kontaktіge ushý ýaqytynyń ózgergenі týraly SMS habarlama jіberіldі. Júıede tıіstі aqparat bar», - dep habarlady áýe kompanııadan.