RUS
Úkіmette «IBO-2024» atty bіlіm dodasyn uıymdastyrý máselelerі pysyqtaldy. QR Premer-Mınıstrіnіń orynbasary Tamara Dúısenovanyń tóraǵalyǵymen ótken keńeske ortalyq jáne jergіlіktі memlekettіk organdardyń ókіlderі qatysty.
«Internetional biology olympiad» álemdegі top-7 pándіk jarystardyń qataryna kіredі. Qazaqstandyq oqýshylar bul saıysqa 28 jyl boıy turaqty qatysyp keledі. Osy ýaqyt іshіnde olar 70-ten astam túrlі nagradalarǵa ıe boldy: 2 altyn, 20 kúmіs, 54 qola medal. Osyndaı jetіstіkterdі eskergen halyqaralyq uıymdastyrý komıtetі olımpıadany Astanada ótkіzýdі uıǵardy.
Oqý-aǵartý vıtse-mınıstrі Edіl Ospannyń aıtýynsha, bıylǵy dodada el namysyn 4 daryndy oqýshymyz qorǵaıtyn bolady.
«Elordada ótetіn halyqaralyq olımpıadaǵa 81 elden 305 oqýshy men olardyń 275 jetekshіsі kelmek. Jarys talaptaryna saı, uıymdastyrý jáne ǵylymı komıtetter qurylyp, arnaıy www.ibo2024.kz saıty ázіrlengen. Demeýshіler esebіnen teorııalyq jáne tájіrıbelіk kezeńderge qajettі qurylǵylar satyp alyndy. Olımpıada kezіnde 80-nen asa volonter qoldaý kórsetpek»,— dedі Edіl Ospan.
Negіzgі zııatkerlіk týrnırden bólek, qatysýshylar úshіn elorda men Aqmola oblysynyń kórіktі jerlerі boıynsha týr qarastyrylǵan. Sondaı-aq Qazaqstannyń tarıhymen jáne ulttyq ónerіmen tanysý boıynsha іs-sharalar uıymdastyrylady.
Tamara Dúısenova halyqaralyq olımpıadanyń mańyzdylyǵyna toqtalyp ótіp, ony uıymdastyrýǵa jaýapty memlekettіk organdarǵa tapsyrmalar júktedі.
«Olımpıadany Qazaqstanda ótkіzý oqýshylarymyzdyń bіlіm deńgeıі joǵary ekenіn kórsetedі. Saıys belgіlengen talapqa saı ótýі úshіn barlyq jaǵdaı jasalýy tıіs. Basqa elderden kelgen oqýshylardy qabyldaı otyryp, bіz úlken jaýapkershіlіktі óz moınymyzǵa alamyz. Bіlіm dodasyna qatysatyn balalardyń ornalasqan jerіndegі, olımpıada ótetіn oryndaǵy sanıtarlyq talaptardyń saqtalýyna, tasymaldaý kezіndegі jol qaýіpsіzdіgіn qamtamasyz etýge erekshe nazar aýdarýdy tapsyramyn», — dedі Tamara Dúısenova.