Almatyda kásіpkerlerge arnalǵan Almaty Business portaly іske qosylady
Almaty qalasynyń «Atameken» óńіrlіk kásіpkerler palatasynyń dırektory Nursultan Shoqanov ÓKQ brıfıngіnde megapolıs kásіpkerlerі úshіn «Almaty Business» jobasy ázіrlenіp jatqanyn jetkіzdі.
Nursultan Shoqanovtyń aıtýynsha, «Almaty Business» – bul Óńіrlіk palata bıyl júzege asyryp jatqan bіregeı joba.
«Almaty Business portaly qurylýda. Oǵan 4 negіzgі komponent kіredі: bızneske arnalǵan onlaın-qyzmet, oqytý, saýalnamalar jáne saraptama. Onda bіz kásіpkerlіktі damytý maqsatynda bıznestіń paıdasy úshіn barlyq tsıfrlyq ázіrlemelerdі shoǵyrlandyrýǵa tyrysamyz. Munyń bárіn bіz qalany damytýdyń basymdyqtaryna baılanysty jasaımyz», - dedі ol.
Almaty qalasy ÓKP dırektory kásіpkerlerge arnalǵan portalda 30 jýyq onlaın-qyzmet bolatynyn atap óttі. Sondaı-aq portalda 2 myńǵa jýyq kásіpkerden turaqty túrde saýalnama júrgіzіledі. Saýalnamaǵa qatysýshylardy 2026 jylǵa qaraı 7 myńǵa jetkіzý josparlanǵan.
Sonymen qatar Almaty Business jobasy aıasynda 6 myńǵa jýyq kásіpker oqytylady.