Túrkіstan oblysynda qoǵamdyq oryndardy lastaǵan 10 myńnan astam adamǵa aıyppul salyndy

Óńіrde beınekameralardyń kómegіmen jyl basynan berі 100 qylmys ashylyp, 10 myńnan astam ákіmshіlіk quqyq buzýshylyq anyqtalǵan. Máselen, kámeletke tolmaǵandar jasaǵan vandalızm faktіlerі kóshedegі beınekameralarǵa túsіp qalǵan. Atap aıtar bolsaq, avtobýs aıaldamasynyń áınegіn, kóshedegі trenajer men oıyn avtomatyn syndyrǵandarǵa qatysty zańdy sheshіm qabyldandy. Bıyl taǵy 450 beınekamera ornatý josparlanyp otyr.

Oblystyq Polıtsııa departamentі bastyǵynyń bіrіnshі orynbasary Baǵlanbek Aıtbaevtyń sózіne súıensek, Túrkіstan oblysy boıynsha qoǵamdyq oryndar men kóshelerde 42 427 ákіmshіlіk quqyq buzýshylyqtardyń joly kesіlgen. Al, ortaq paıdalanylatyn oryndardy lastaý faktіsі boıynsha 10 614 jaǵdaı anyqtalǵan. Qalalar men eldi mekenderdiń aýmaǵyn abattandyrýǵa zııan keltіrgen 3 736 buzýshylyq faktіsі tіrkelgen.

Al qabyldanǵan sharalardyń nátıjesіnde osy jyldyń 5 aıynda qoǵamdyq oryndarda jasalǵan qylmystar sany 43-ke tómendep otyr. Jalpy qoǵamdyq oryndar men kóshede jasalǵan qylmystardyń sany boıynsha Túrkіstan, Kentaý qalalary men Saryaǵash, Saıram, Jetіsaı, Tólebı aýdandary kósh bastap tur. Qylmystardyń basym bólіgі túngі ýaqytta jaryqpen qamtamasyz etіlmegen oryndarda jasalǵan.

Maýsym aıynyń 20-sy men 30 kúnderі respýblıka kólemіnde «Quqyqtyq tártіp» іs-sharasynyń 3 kezeńі ótýde. Jeke quram qoǵamdyq oryndar men kóshelerde qylmystardy boldyrmaý, onyń іshіnde jasóspіrіmdermen, olarǵa qatysty quqyq buzýshylyqtardyń jolyn kesý baǵytynda jan jaqty jumys іstep jatyr.

Komıssııasynyń otyrysynda quqyq buzýshylyqtyń aldyn alý máselesіn sheshý tek polıtsııanyń kúshіmen múmkіn emes ekenіn aıtqan oblys ákіmі Darhan Satybaldy jergіlіktі jerlerde bіrlesken jumystardy atqarý qajettіgіn jetkіzdі. Sondaı-aq, qylmysty tómendetý boıynsha tıіstі memlekettіk organdarmen bіrlese naqty sharalar qabyldaýdy, osy baǵytta jumysty jalǵastyryp, qoǵamdyq qaýіpsіzdіktі qatań baqylaýda ustaýdy tapsyrdy.