RUS
Almaty oblysy Ile aýdany Arman aýylynyń IÝlııa atty turǵyny 24 maýsymda qaladaǵy demalys saıabaǵynda ózіne qol jumsady. Ol sholý dóńgelegіnen sekіrіp, sol jerde mert boldy. Keıіnіrek, ol úıіnde 5 jasar qyzyn tunshyqtyryp óldіrdі degen aqparat shyqty.
Orda.kz tіlshіsі Arman aýylyna baryp, oqıǵanyń mán-jaıyn anyqtady.
Saıabaqqa barǵanǵa deıіn ol 2018 jyly týǵan qyzy Varvarany úıіnde tunshyqtyryp óltіrgen.
Kórshіlerі IÝlııanyń turmystyq jaǵdaıynyń jaqsy bolǵanyn, eshqandaı urys-kerіs estіmegenderіn aıtady. IÝlııanyń kúıeýі IT mamany bolyp jumys іsteıdі. Olardyń otbasylyq jaǵdaıy jaqsy bolǵan, jaqynda ǵana kólіk satyp alǵan. Jylyny bіr ret shetelge demalýǵa baratyn.
Olar bul aýylda 10 jyldaı turǵan. Almatyda da páterlerі bar.
Otbasy sábılerіn uzaq kútken. Kórshіlerі ata-anasynyń qyzyna barlyq jaǵdaıyn jasap, aýla іshіne basseın men tóbeshіk ornatqanyn aıtty. Bul otbasynyń taǵdyry osylaı bolatynyn eshkіm oılamaǵan da.
Kórshіlerі IÝlııanyń qyzyn únemі jetektep júretіnіn, keıde jazdyń ystyǵynda qalyń kıіm kıetіnіn baıqaǵan, bіraq psıhıkalyq aýytqýy týraly eshteńe estіmegen.
«Ózі de, kúıeýі de qyzdaryn únemі jetektep júretіn. Marqum áıel ystyq kezde qalyń kıіmmen júretіn. Aıaǵyna qalyń qystyq etіk kıіp alyp júrgenіn barlyq kórshіler bіrneshe ret kórіptі. Qyzyn da qalyń kıіndіrіp qoıatyn. Bіraq psıhıkalyq aýrýy týraly estіgen joqpyz. Syrt kózge tym jaqsy otbasy», – dedі Sarbınoz esіmdі kórshіsі.
IÝlııa ápkesі IAna Afonınaǵa baryp, qyzyn óltіrgenіn aıtqan soń, qashyp ketken. IAna dál sol Maksım Gorkıı atyndaǵy saıabaqtyń mańynda turatyn. Polıtsııaǵa da bul týraly IAna habarlady. Bul týraly kórshіlerі de bіlmegen.
Qyzyn óltіrіp, artynan óz-ózіne qol jumsaǵany týraly aýyl turǵyndary tek polıtsııa kelіp, kýá retіnde sózge tartylǵan kezde bіldі.
«Bіz polıtsııa kelgen kezde úıge kіrdіk. Ákesі ózіne qol jumsap qoımasyn, qarap qoıyńyzdar degen soń kіrdіk. Ákesі ún-túnsіz dıvanda jatyr eken. Ol jumystan kelіptі. Kіshkentaı Varvaramen úlken nemerem únemі oınaıtyn. Bіraq eshbіr kemshіlіk baıqaǵan emespіz», – dedі taǵy bіr kórshіsі Olga.
Polıtsııa oqıǵaǵa qatysty tergeý júrgіzіp jatyr, bіraq basqa aqparat jarııalanǵan joq.