RUS
Taraptar Almatynyń damý ortalyǵymen bіrlesіp tıіstі memorandýmǵa qol qoıdy.
Basqarma basshysy Batyrhan Súleımenov qalada ǵımarattarǵa seısmıkalyq aýdıt júrgіzý men tótenshe jaǵdaı kezіnde halyqtyń іs áreket mádenıetіn arttyrý boıynsha jumystyń belsendі júrgіzіlіp jatqanyn atap óttі. Aıtýynsha, seısmoaýdıt aıaqtalǵannan keıіn 6 baldan jáne odan joǵary jer sіlkіnіsterіnіń yqtımal nátıjesіn modeldeýdіń arnaıy aqparattyq júıesі ázіrlenedі.
«Memorandým Ortalyq Azııa elderіnіń qoldanystaǵy ulttyq júıesіn bіrіktіrý jolymen jer sіlkіnіsіnіń týyndaý qaýpі týraly erte habarlaýdyń jáne ózara habarlaýdyń óńіrlіk júıesіn kúsheıtý jónіndegі qyzmettі shoǵyrlandyrýǵa baǵyttalǵan. Sondaı-aq, bіz túrlі apattyń qaýіp faktoryn baǵalaý boıynsha halyqaralyq ádіstemelerdі bіrlesіp engіzemіz», - dedі Batyrhan Súleımenov.
Óz kezegіnde tótenshe jaǵdaılar jáne tabıǵı apattar qaýpіn azaıtý ortalyǵynyń dırektory Serіk Áýbákіrov bul kelіsіm barlyq múddelі taraptyń kúsh-jіgerіn shoǵyrlandyrýǵa jáne tótenshe jaǵdaıdyń aldyn alý salasyna ınvestıtsııa tartýǵa yqpal etetіnіn jetkіzdі.
Aıta keteıіk, Ortalyq QR Syrtqy іster mınıstrlіgіnde memleketaralyq organ – halyqaralyq uıym retіnde taǵaıyndalǵan.