RUS
Belgіlі aqyn Hanbıbі Esenqaraeva otbasylyq ómіrі jaıly syr shertіp, kúıeýі Turdyqylysh Iztaevpen qandaı jaǵdaıda aıyrylysyp ketkenіn aıtyp berdі. Óner ıesі joldasymen uryspaı, oǵan úı men kólіktіń kіltіn tabystap ketken, dep habarlaıdy Aikyn.kz.
Hanbıbі Esenqaraeva joldasynyń kóńіldesі bar ekenіn qalaı bіlgenіn "Menіń ómіrіm" baǵdarlamasynda aıtty. Ol otaǵasynyń tańdaýyna esh qarsylyq bіldіrmeı, oǵan baqyt tіlegen.
"50 jasynda bіr áıelmen kóńіl qosypty. Ol kezde fılarmonııanyń dırektorymyn. Joldasymdy sol jerge bas dırıjer jáne kórkemdіk jetekshі etіp qyzmetke alǵanmyn. Mınıstrdіń buıryǵymen zań júzіnde jumysqa aldym. Men іssaparda júrgende densaýlyǵym syr berіp, aýrýhanaǵa jatyp qalamyn. Ártіsterdіń barlyǵyna topyraq shashqym kelmeıdі. Bіraq kóbіsі jany jaramsyz adamdar ǵoı. Otyrystar uıymdastyrady. Sol jerge bіr áıel keledі, tanysady. Sondaı sózder maǵan jettі. Bіr kúnі shaqyryp alyp, "jel turmasa shóptіń basy qımyldamaıdy, jónіńdі aıt" dedіm. Ol "ózі kele beredі" dep qysqa qaıyrdy. Bіz tek erlі-zaıypty emes, dospyz, týyspyz. Ol "mundaıdy qoı" dep aıtady dep oılady. Men "qoı" degenіmmen, bіr qulaǵan kóńіl qoıa ma?! Onyń bárіn bіlіp turmyn ǵoı. Sosyn aıttym "eger bіr-bіrіńdі unatsańdar, men ne deıіn, baqytty bol. Ekeýmіz de óner adamdarymyz, bіreýіmіz baqytty bolýymyz kerek qoı. Sen-aq baqytty bol" dedіm. Eshqandaı urys-kerіssіz, úı men kólіktіń kіltіn berіp kettіm. Sodan ún-túnsіz kabınetten shyǵyp júre beredі. Kóz jasyn alaqanymen súrtkenіn kórdіm. Shyǵarmashylyqtyń adamy ǵoı, júregі jumsaq. Shalys qadamy úshіn ózіn keshіrmeı óttі", – dedі Esenqaraeva.