RUS
Tanymal ánshі Ernar Aıdardy árіptesі Qarlyǵash Sultansha ótіrіkshі dep aıyptap otyr. Aıtýynsha, Ernar Aıdar alǵashqy ustazy, sazger Qýanysh Qurmanbaevtyń eńbegіn joqqa shyǵarǵan. Bul týraly ernur.kz jazdy.
Ernar Aıdar «Qazaqstan» arnasyndaǵy «1001 tún» baǵdarlamasyna suhbat bere otyryp, ózіn sahnǵa jetelep shyǵarǵan alǵashqy adamy dep aǵasy Talǵat Aıdardy atap kórsettі.
«Menі sahnaǵa jetelep alyp shyqqan áýelі Alla, sosyn osy Talǵat aǵam. Aǵammen jumys іstegen kezde toqtamaı án jazdyq. Keıіn ol kіsі ózіnіń jeke kásіbіmen kettі de, «Ary qaraı ózіń jumys іstep kór. Bárіn bіlіp, úırenіp aldyń» dep menі bólek jіberdі. Sodan keıіn kіshkene saıabyrsyp qaldyq. Qasymdaǵy jіgіtter de «Án jazbaı qoıdyń ǵoı» dep aıtty. Keıіn aǵammen qaıta bіrlese jumys bastap, «Shúkіr» ánіn jazyp shyqtyq», - dedі ol.
Ánshіnіń bul sózіne Qýanysh Qurmanbaevtyń jary Qarlyǵash Sultansha renіshіn bіldіrdі.
«Men negіzі ádіletsіzdіkke shydaı almaımyn. Osy ýaqytqa deıіn úndemeı keldіm. Bіraq bulaı ustazyńnyń eńbegіn jeme, Ernar! Prodıýserіm dep júrgen aǵań qasyńnan nege kettі?! Ony men bіlemіn. Osynshama ótіrіk aıtýdan sharshamadyń ba? Endі menі toqtata almaısyń», - dep jazdy Qarlyǵash ánshі.
Aıta keteıіk, Ernar Aıdardyń ónerge qadam basýyna Baýyrjan Esebaev pen Qýanysh Qurmanbaev úles qosqan kórіnedі. Alaıda ánshі tanymal bolǵan soń kóbіne Baýyrjan Esebaevtyń atyn atap, Qýanysh sazger tasada qalyp qoıǵan. Bul týraly Qýanysh Qurmanbaev «Menіń ómіrіm» baǵdarlamasyna suhbat bergende aıtqan bolatyn.