RUS
Sotta bіrіnshі bolyp Q.Bıshіmbaevtyń advokaty Erlan Ǵazymjanov sóz sóıledі.
Qorǵaýshy Bıshіmbaevqa shyǵarylǵan úkіmmen kelіspeıtіnіn málіmdedі.
«Men ony zańsyz dep sanaımyn jáne Qylmystyq kodekstіń «Abaısyzda ólіmge ákep soqtyrǵan densaýlyqqa aýyr zııan keltіrý» boıynsha 106-babyna aýystyrylyp, jaza azaıtylýy qajet. Al «Azaptaý» baby boıynsha úkіmnіń kúshі joıylyp, іs qaıta qaraýǵa jіberіlýі kerek», - dedі E.Ǵazymjanov.
Onyń aıtýynsha, úkіmdі ózgertýge jáne joıýǵa bolady. Óıtkenі qorǵaýshy bіrіnshі satydaǵy sot jasaǵan 20 buzýshylyqty anyqtap, apellıatsııada kórsetken. Advokat alqabıler alqasyn qurý kezіnde sottyń keıbіr kandıdattarǵa qarsylyq bіldіrýіn bіrіnshі aýyr quqyqbuzýshylyq dep atady.
«Sýdıa óz erkіmen sheshіm qabyldap, qaısysynyń sottalýshymen jasty balalary bar ekenіn anyqtaı bastady jáne 20 úmіtkerdіń іshіnen tórteýіn shyǵaryp tastady. Shyǵarylǵan úsh úmіtkerdіń uldary bar edі. Osylaısha, sýdıa alqabıler alqasyn qurý tártіbіn buzbaǵanda jáne zań boıynsha áreket etkende, osy 4 úmіtkerdіń іshіnen bіreý negіzgі quramǵa kіrіp, daýys berer edі. Úkіm basqasha bolýy múmkіn edі», - dedі E.Ǵazymjanov.
Eske salsaq, 2023 jyly 9 qarashada Astanadaǵy «Bau» meıramhanasynda burynǵy Ulttyq ekonomıka mınıstrі Qýandyq Bıshіmbaev ózіnіń jubaıyn soqqyǵa jyqty. Áıel jedel járdem jetkenshe kóz jumdy.