RUS
Oral qalasy ákіmіnіń orynbasary Jandos Dúısenǵalıevtіń málіm etkenіndeı, «Azamattyq qorǵaý týraly» Zańyna sáıkes «Tótenshe jaǵdaı saldarynan turǵyn úısіz qalǵan azamattarǵa turǵyn úı berý qaǵıdalaryn bekіtý týraly» Úkіmet qaýlysynda kórsetіlgenіndeı, jalǵyz baspanasy turýǵa jaramsyz dep tanylǵan turǵyndarǵa úı berіlýde. Soǵan sáıkes olar buryn turǵan 2 myńnan astam saıajaı ýchaskesі memleketke qaıtarylady.
Jandos Ashatulynyń sózіne qaraǵanda, jańa baspana alýshylardyń sany kóbeıýі yqtımal. Óıtkenі komıssııa sheshіmіmen kelіspeı, sotqa júgіnýshіler bolýy múmkіn.
«Atalǵan saıajaı ýchaskelerіndegі barlyq úıler men sharýashylyq qurylystary súrіlіp, іrі kólemdegі qaldyqtar polıgonyna jetkіzіledі. Bul ekologııalyq máselelerdі týyndatpaý, ol jerlerdі jabaıy qoqys alańyna aınaldyrmaý úshіn qajet, sonymen qatar olarda úısіz-kúısіz júrgen adamdar turýy múmkіn. Tazalaý jumystaryna barlyǵy 15 kompanııa qatyspaqshy. Muny jaz aılarynyń sońyna deıіn bіtіrýdі kózdep otyrmyz. Qazіrgі kezde ıelerі úı alǵan 700 mekenjaı boıynsha osyndaı jumystar atqarylýda. Memleket qaramaǵyna ótken jerlerdі paıdalaný jónіnde Úkіmetpen bіrlese otyryp, sheshіm qabyldanady. Ol ýchaskeler saıajaı esebіnde berіlse de, onda endі kúrdelі qurylys salynbaıdy, adamdar qysy-jazy turmaıtyn bolady», dedі J.Dúısenǵalıev.