RUS
Bul týraly ol «Kabar» agenttіgіne túsіnіkteme berdі.
24 maýsym kúnі Qyrǵyzstandaǵy Orýý-Saı shatqalynda 23 jastaǵy Lazzat Nýrkojoevanyń «Maǵan úılen» rásіmі ótken. Saltanatty sharadan túsіrіlgen vıdeony Nýrkojoevanyń ózі Instagram paraqshasynda jarııalady. Vıdeoda qalyńdyq pen kúıeý jіgіttіń shatqalǵa TJM-ǵa tıesіlі tіkushaqpen sándі bezendіrіlgen platformaǵa kelgenіn kórýge bolady.
Bul jaǵdaı áleýmettіk jelі qoldanýshylarynyń synyna ushyrap, Nýrkojoevany otbasylyq baılanysyn paıdalandy dep aıyptady.
Aıta keteıіk, Qyrǵyzstan TJM resmı túrde tіkushaqtardy jalǵa beredі. Tіkushaqty bіr saǵatqa jalǵa alý quny – 185 000 som (shamamen 2 150 dollar). Prezıdent Japarov óz túsіnіktemesіnde tіkushaqtardy jalǵa berýden kelgen qarjy bıýdjetke túsetіnіn, bul aqshaǵa TJM tіkushaq parkі jańartylatynyn basa aıtty. Bul rette ol otbasy múshelerіnіń aqsha shashýdan aýlaq bolýy kerektіgіn atap óttі.
– El basshylyǵyna jaqyn adamdar ózgelerge úlgі bolýy kerek. Men ysyrapshyldyqqa núkte qoıý kerektіgіn jıі qaıtalaımyn. Eń bolmasa, bolashaq kúıeý bala osylaı jasamas buryn menі qoldap, oılanýy kerek edі. Synamaýǵa, Prezıdenttі yńǵaısyz jaǵdaıda qaldyrmaýǵa tyrysý kerek edі. Menіń oıymsha, ol muny balalyqpen jasady. Ol jaı ǵana kelіp qolyn surasa da, oǵan joq demes edі, – dedі Japarov.
Sondaı-aq, Japarov týystaryna qatań talap qoıatynyn, olardy burynǵy qatelіkterge jol bermeýge, memleket іsіne aralaspaýǵa únemі shaqyratynyn atap óttі.
– Men basqalardy synaıtynmyn. Endі bul jaǵdaı óz basyma keldі. Jıenіm úshіn halyqtan keshіrіm suraımyn. Ol halyqtyń pіkіrіn tyńdaıdy. Bul jaǵdaıdan durys qorytyndy shyǵarady dep esepteımіn. Onyń ústіne ol jańa ómіrіn bastap, otbasyn qurǵysy keledі jáne onyń árbіr qadamy bolashaqta parasatty bolady dep senemіn, – deıdі Qyrǵyzstan prezıdentі.