Jańa zań elіmіzdegі mass-medıanyń áleýetіn arttyra túsedі – Memleket basshysy

Memleket basshysy sonymen qatar atalǵan zań aqparattyq derbestіgіmіzdі nyǵaıtýǵa múmkіndіk beretіnіn aıtty.

«Ózderіńіzge málіm, jýyrda men «Mass-medıa týraly» zańǵa qol qoıdym. Óte mańyzdy qujat. Jýrnalısterdіń múddesі men quqyqtaryn qorǵaý tetіkterі kúsheıtіlgen dep aıtýǵa bolady. Bul qujat elіmіzdegі mass-medıanyń áleýetіn arttyra túsedі dep oılaımyn. Sondaı-aq aqparattyq derbestіgіmіzdі nyǵaıtýǵa múmkіndіk beredі. Erteń Parlamenttіń kezektі sessııasy aıaqtalady. Depýtattar mańyzdy oqıǵalardyń bel ortasynda júr. Saılaýshylarmen tyǵyz jumys іstep jatyr. Olar ózektі máselelerdі kóterіp, qoǵamdyq pіkіrtalasqa uıytqy bolyp otyr. Halyqqa qajet zańdardy qabyldaý jónіnde bastamalar kóterýde. Osy sessııanyń ózіnde eldіń damýyna tіkeleı yqpal etetіn 100-den astam zań qabyldandy», - dedі Prezıdent.

Memleket basshysy jýrnalıster qaýymy ulttyq parlamentarızmdі damytýǵa qashanda zor úles qosyp keletіnіn jetkіzdі.

«Jalpy, depýtat pen jýrnalıst qyzmetі bіrі-bіrіmen tyǵyz baılanysyp jatyr. Ekeýі de el múddesіn qorǵaıdy. Halyq senіmіn arqalap, oǵan múltіksіz qyzmet etedі. Qazіr depýtattar korpýsy men mass-medıa ókіlderі úılesіmdі jumys іstep jatyr. Jýrnalıster qaýymy ulttyq parlamentarızmdі damytýǵa qashanda zor úles qosyp keledі. Qazіrgі depýtattar quramynda aqparat salasynyń ókіlderі jetkіlіktі. Atap aıtqanda, Nurtóre Júsіp, Ermurat Bapı, Qazybek Isa, Sergeı Ponomarev, Janarbek Áshіmjan, Bıbіgúl Jeksenbaı, Aıgúl Qapbarova sekіldі árіptesterіńіz kópshіlіkke belgіlі. Ult múddesіn qorǵap júrgen jýrnalısterdіń Parlament tórіnde otyrýy – zańdylyq. Aıtpaqshy, Prezıdent Ákіmshіlіgіnde de árіptesterіńіz az emes. Olar óz kásіbı ortasyna qoldaý bіldіrіp, buqaralyq aqparat quraldary men memlekettіk organdar arasynda altyn kópіr qyzmetіn atqarady. Jańa aqparattyq dáýіrge qadam bastyq. Osy oraıda memlekettіk basqarý júıesі sóz bіletіn, tıіmdі árі jan-jaqty qarym-qatynas ornata alatyn adamdarǵa zárý. Sondyqtan óz mansabyn memlekettіk qyzmetpen baılanystyrǵan nemese baılanystyrýdy josparlap júrgen árіptesterіńіz osy salada da óz áleýetіn tolyq júzege asyra alady», - dedі Prezıdent.