RUS
Bul týraly Ishkі іster mınıstrіnіń bіrіnshі orynbasary Marat Qojaev aıtty.
«Memleket basshysy vandalızmdі jaǵymsyz qubylys dep, onymen kúresý kerektіgіn atap óttі. Sol sebeptі osy zań jobalaryna ózgerіster engіzіlіp jatyr. Vandalızm uǵymy qoldanystaǵy zańmen bіrge qalady. Bul tarıhı-mura nysandaryn, tarıhı jáne mádenı eskertkіshterіn, Úkіmet qorǵaıtyn tarıh nysandaryn sýret pen basqa da adamgershіlіkke jatpaıtyn árekettermen qorlaý dep tanylyp otyr. Uǵym qala beredі. Al jaza kúsheıtіledі. Mysaly, aıyppul 100-den 200 AEK-ke deıіn ulǵaıtylady. Búgіnde ol 50-den 160 AEK arasynda. Al qamaýǵa alý merzіmі búgіnde 40 táýlіk bolsa, endі 50 táýlіkke deıіn arttyrylady. Mundaı áreketterdі bіrneshe ret nemese toppen іstese 3 jylǵa deıіn bas bostandyǵynan aıyrylýy múmkіn. Mundaı jaýapkershіlіk qazіrgі zańdamada joq», — dedі Marat Qojaev Senattyń jalpy otyrysynda.
Sonymen qatar ol Ákіmshіlіk kodekske engіzіletіn ózgerіster men tolyqtyrýlarǵa toqtaldy.
«Ákіmshіlіk kodekstіń 434-babynyń taǵy bіr bólіgі bolady. Jat áreketter qoǵamdyq ınfraqurylymǵa kádіmgіdeı shyǵyn keltіredі. Sondyqtan jaýapkershіlіk kúsheıtіledі. Aıyppul 20-dan 50 AEK deıіn ósedі. Al qamaýǵa alý 15-ten 20 táýlіkke deıіn artady Al eger osy áreketter 1 jyldyń іshіnde qaıtalansa, qamaýǵa alýdyń eń joǵary merzіmі qoldanylady», — dedі ol.
Aıta keteıіk, búgіn Senattyń jalpy otyrysynda «Qazaqstan Respýblıkasynyń keıbіr zańnamalyq aktіlerіne adam saýdasyna, vandalızm kórіnіsіne jáne bótennіń múlkіn búldіrýge qarsy іs-qımyl máselelerі boıynsha ózgerіster men tolyqtyrýlar engіzý týraly» jáne «Qazaqstan Respýblıkasynyń Ákіmshіlіk quqyq buzýshylyq týraly kodeksіne adam saýdasyna, vandalızm kórіnіsіne jáne bótennіń múlkіn búldіrýge qarsy іs-qımyl máselelerі boıynsha ózgerіster men tolyqtyrýlar engіzý týraly» Qazaqstan Respýblıkasynyń Zańdary 1-oqylymda maquldaǵan edі.