RUS
SMARTNEWS.KZ basylymynyń habarlaýynsha, búgіn Bas prokýratýra men QR IIM Interpolynyń qyzmetkerlerі Qazaqstan Respýblıkasynyń Koreıa Respýblıkasyndaǵy Elshіlіgіnіń kómegіmen kіsі óltіrýge oqtalǵan kúdіktіnі qylmystyq jaýaptylyqqa tartý úshіn ekstradıtsııalady.
Atalǵan tulǵa 2022 jyldyń naýryz aıynda Túrkіstan oblysynyń Saýran aýdanynda aýyldasymen janjaldasyp, artynan tóbeleske ulasqan.
Tóbeles barysynda kúdіktі qarsylasynyń keýde tusynan bіrneshe ret pyshaq suqqan. Der kezіnde kórsetіlgen medıtsınalyq kómektіń arqasynda jábіrlenýshі aman qaldy.
Qylmys jasaǵannan keıіn kúdіktі Koreıa Respýblıkasynyń aýmaǵynda jasyrynyp júrgen jáne aǵymdaǵy jyldyń maýsym aıynda sonda ustalǵan.
Qazіr ol Astana qalasyndaǵy tergeý ızolıatoryna qamaldy.
Aıyptalǵan qylmysty jasaǵany úshіn segіz jyldan on bes jylǵa deıіngі merzіmge bas bostandyǵynan aıyrý túrіndegі jaza qarastyrylǵan.
Aıta ketý kerek, kúdіktіnі ekstradıtsııalaý Qazaqstan Respýblıkasynyń Bas prokýratýrasy ázіrlegen Qazaqstan Respýblıkasy men Koreıa Respýblıkasy arasyndaǵy 2003 jylǵy 13 qarashadaǵy ustap berý týraly sharttyń bolýynyń arqasynda múmkіn boldy.