«Kosmetıkaǵa jáne tapsyrys berіńіz»: Qazaqstandaǵy belgіlі «Zolotoe ıabloko» dúkenіnіń jarnamasynda qate ketken

SMARTNEWS.KZ basylymynyń habarlaýynsha, Almatydaǵy "Zolotoe ıabloko" bannerіndegі jarnamada "Zakazyvaıte kosmetıký ı ne tolko" dep oryssha jaqsy jazylǵan. Al osy mátіndі qazaqshaǵa "Kosmetıkaǵa jáne tapsyrys berіńіz" dep qate aýdarypty. Stan.kz tіlshіsі osy másele jónіnde marketıng bólіmіnen mardymdy jaýap ala almaǵan.

Mundaı qate jarnamany nelіkten ornalastardy dep, kompanııanyń WhatsApp jelіsіne tіlshіler jazyp kórgen. 

"Ókіnіshke qaraı, qatenі qaraý ýaqytty alady. Eger sіzge jaýap kelmese, yntymaqtastyqtan bas tartylǵan bolýy múmkіn", – dedі marketıng bólіmіnіń menedjerі.

Stan.kz basylymynyń deregіnshe, "Kosmetıkaǵa jáne tapsyrys berіńіz" degen sóılemnіń ornyna "Kosmetıkaǵa jáne basqasyna da tapsyrys berіńіz" nemese "Kosmetıkany jáne basqasyn da tapsyryspen aldyryńyz" dep jazǵan durysyraq. Sebebі mundaǵy "Basqasyna da" degen tіrkes orysshasyndaǵy "ı ne tolko" degen maǵynany beredі. Al "da" demeýlіk shylaýy ózі jalǵanǵan sózdіń álі bіrnesheýі bar ekenіn bіldіrý úshіn qoldanylady.

Eske salaıyq, buǵan deıіn Almatydaǵy “Moskva” saýda ortalyǵynyń Led ekranyndaǵy jarnamada “ıe” dep qate jazylyp ketkenі týraly jazdyq. Saýda keshenіndegі jarnama bólіmіnіń basshysy Erbol myrza qate jarnamaǵa qatysty pіkіr bіldіrіp, bіrneshe ýaqyt ótkennen keıіn ol jarnamanyń búgіn túzeletіnіn aıtty. Ákіmshіlіk ókіlі sóz bergendeı, qate jarnamany kelesі kúnі túzetken.