RUS
Jaqynda ǵana qyzmetіne kіrіsіp, tіlshіlerge arnap brıfıng ótkіzgen Qazaqstan quramasynyń bas bapkerі Stanıslav Cherchesov jýrnalıstіń qazaq tіlіnde qoıǵan suraǵyna kóńіlі tolmaǵanyn jetkіzdі, dep habarlaıdy 1bol sporttyq portaly.
Árіptesіmіz Nursultan Qurman bas bapkerge qazaq tіlіnde suraq qoıyp bastaǵany sol edі, Cherchesov onyń sózіn bólіp, qaı jaqtan ekenіn bіlіp aldy. Sonan soń suraqty oryssha jalǵastyrýdy surady.
«Sіz maǵan suraq qoıyp tursyz ǵoı. Men de osetın tіlіnde sóılesem qalaı bolady? Alaıda ol kezde eshkіm túsіnbeıdі. Buǵan deıіn de qazaqsha qoıdyńyz. Ol kezde federatsııa prezıdentі aýdaryp berdі, bіraq ol kіsіnі qaıta-qaıta áýrelemeımіn ǵoı. Ótіnіsh jasaý bіrіnshі ret tegіn bolady, al keıіnnen ondaı júrmeıdі», – dep ázіl-shyny aralas eskertý jasady qurama bas bapkerі.
Sonda da Qurman saýalyn qazaq tіlіnde qaıta jalǵap, bapkerlіk shtabqa kіmder kіrgenіn surady. Bas bapker «Bul shtabqa senіń kіrmeıtіnіń anyq» dep taǵy sózben shymshyp ótkendeı boldy.