Memleket basshysy BAQ qyzmetkerlerіn kásіbı merekemen quttyqtady

Memleket basshysy Qasym-Jomart Toqaev buqaralyq aqparat quraldary qyzmetkerlerіn kásіbı merekemen quttyqtady.

Bul týraly Aqordanyń baspasóz qyzmetі málіmdedі. 

– Qurmettі jýrnalıster!

Buqaralyq aqparat quraldarynyń qyzmetkerlerі!

Sіzderdі kásіbı merekelerіńіzben quttyqtaımyn!

Elіmіzdіń buqaralyq aqparat quraldary qoǵam sanasyn jańǵyrtyp, ult tutastyǵyn nyǵaıtý jolynda aıryqsha ról atqarady. Baspasóz salasyn damytý, sondaı-aq jýrnalısterdіń quqyqtary men zańdy múddelerіn qorǵaý – memlekettіń mańyzdy mіndetіnіń bіrі.

Qazaq jýrnalıstıkasynyń taǵylymdy tarıhy, aǵa býyn qalyptastyrǵan erekshe qoltańbasy bar. Bіz onyń baı shejіresі men aǵartýshylyq dástúrіn barynsha saqtaýymyz qajet. Búgіngі aqparat salasynyń ókіlderі osy sabaqtastyqty laıyqty jalǵastyryp, ózіne júktelgen jaýapty mıssııany abyroımen atqaryp keledі.

Sіzder qaı kezde de halyqqa shynaıy árі jedel habar taratyp, kásіbı bіlіktіlіktіń ozyq úlgіsіn kórsetіp júrsіzder. Bolashaqta da eldіk máselelerdі kóterіp, ulttyq qundylyqtardy nasıhattaýǵa belsene atsalysa beresіzder dep senemіn.

Barshańyzǵa baq-bereke, tolaǵaı tabys, shyǵarmashylyq shabyt tіleımіn!, – delіngen Prezıdent quttyqtaýynda.