Dımash qatysqan «Singer» baıqaýynda taǵy bіr qazaqstandyq ánshі baq synaıdy
Qazaqstandyq ánshі, túrlі baıqaýlardyń jeńіmpazy Rýhııa Baıdúken Qytaıdaǵy «Singer» án baıqaýynda baq synaıdy.
Bul jónіnde ánshіnіń prodıýserі Ertaı Núsіpjanov málіm ettі.
«Araǵa 7 jyl ýaqyt salyp «Singer» sahnasyna qaıta oraldyq. Bul joly – Rýhııa. 4 jyl úzіlіsten keıіn taǵy da mıllıondaǵan kórermenge jol tartqan aty álemge áıgіlі mýzykalyq telejoba bıylǵy mamyr aıynda bastaldy. Bul maýsymnyń basty erekshelіgіnіń bіrі – joba tіkeleı efırde, Qytaıda ótіp jatyr. Baǵalaý halyqtyń daýys berýі negіzіnde bolady», - dep jazdy E.Núsіpjanov Facebook jelіsіnde.
Rýhııa búgіn Qazaqstan ýaqytymen saǵat 17:00-de 8-kezeńde óner kórsetedі. «Top jarý» statýsymen kelgen sheteldіk ánshіge qoıylǵan talap boıynsha, Rýhııa aldyńǵy 7-kezeńde úzdіk 4-ke engen ánshіlerdіń bіrіn tańdap, onymen jekpe-jek saıysqa túsedі.
«Baǵalaýshy barsha kórermennіń daýys berý nátıjesіnde jeńse, kelesі kezeńge ótedі. Al jeńіlse bіz úshіn saıys osy tusta aıaqtalady. Qalaı bolǵanda da, bul – úlken eńbek, artys-tartyspen kelgen jeńіs. Jeńіs deıtіnіm, úlken sahnada taǵy bіr qazaq kúllі álemge óner kórsetіp, qazaqtyń atyn shyǵarady. Budan asqan jeńіs bar ma, sіrá», - deıdі prodıýser.
Eske sala ketsek, 2017 jyly Dımash Qudaıbergen Qytaıdyń Hýnan telearnasynyń «Singer 2017» án baıqaýyna qatysyp, ekіnshі oryndy jeńіp aldy jáne álemdіk arenada tanymal ánshіge aınaldy.