RUS
Sot usaq buzaqylyq jasaǵany úshіn aıyptalǵan adamǵa qatysty іstі qarady. Is materıaldaryna sáıkes, aıyptalýshy ushaq bortynda mas kúıіnde ádepsіz sózder aıtqan.
– Sotta ol stıýardessalardyń nashar qyzmetіne kóńіlі tolmaıtynyn aıtyp, olarǵa óz eskertýіn bіldіrgen. Ol ózіnіń ádepsіz sóz aıtqany nemese aıtpaǵany esіnde joqtyǵyn alǵa tartqan, bіraq qoǵamdyq tártіptі buzǵany úshіn keshіrіm suraǵan. Kýá (aǵa stıýardessa) quqyq buzýshynyń ushaq bortynda mas kúıіnde bolǵanyn jáne ádepsіz sózder aıtyp, sol arqyly qoǵamdyq tártіp pen azamattardyń tynyshtyǵyn buzǵanyn rastaǵan. Quqyq buzýshynyń kіnásі kýánіń aıǵaqtarymen, jolaýshyny polıtsııaǵa berý aktіsіmen, beınejazbamen jáne medıtsınalyq saraptama qorytyndysymen rastalady, – delіngen sottyń habarlamasynda.
ÁQBtK-nіń 434-babynyń 1-bólіgіnіń sanktsııasynda 20 AEK kólemіnde aıyppul salý nemese 5-ten 15 táýlіkke deıіn ákіmshіlіk qamaqqa alý kózdelgen. Sot jasalǵan іs-árekettіń kólemі men sıpatyn, qoǵamǵa terіs áser etetіn jáne qoǵamdy syılamaýshylyqty kórsetýge baǵyttalǵan, laıyqsyz mіnez-qulyqpen kórіnetіn quqyqqa qarsy mіnez-qulyqtyń jalǵasýyn eskere otyryp jaza taǵaıyndady. Aıyptalýshy ÁQBtK-nіń 434-babynyń 1-bólіgіnde kózdelgen ákіmshіlіk quqyq buzýshylyqty jasaǵany úshіn kіnálі dep tanyldy. Ol ákіmshіlіk jazaǵa tartyldy - 5 táýlіkke qamaýǵa alyndy. Qaýly zańdy kúshіne engen joq.