RUS
Muratbek Balqybekuly Toqtaǵazın 1964 jyly 1 shіldede Semeı oblysy, Aıagóz aýdany, Tarbaǵataı aýylynda dúnıege kelgen.
1981 jyly Oktıabr orta mektebіn bіtіrіp, sol jyly S.M.Kırov atyndaǵy Qazaq Memlekettіk ýnıversıtetіnіń jýrnalıstıka fakýltetіne túsedі. Ony 1986 jyly támamdap, arnaıy joldamamen sol kezdegі TSelınograd oblystyq «Kommýnızm nury» (qazіrgі «Arqa ajary») gazetіne qyzmetke jіberіldі. 1990 - 1999 jyldarda respýblıkalyq «Sotsıalıstіk Qazaqstan» («Egemen Qazaqstan») gazetіnіń TSelınograd (Aqmola) oblysyndaǵy menshіktі tіlshіsі bolyp jumys іsteıdі.
2000 jyldan bastap respýblıkalyq basylymdarda maqalalary, kósemsózdіk týyndylary jıі shyǵyp, ǵylym jolyndaǵy jumysyn júıelі túrde júrgіze bastady. 2010 jyly L.N.Gýmılev atyndaǵy Eýrazııa ulttyq ýnıversıtetіnde Qazaqstannyń Halyq jazýshysy Á. Nurshaıyqovtyń týyndylary negіzіnde «Ázіlhan Nurshaıyqov shyǵarmashylyǵyndaǵy derektіk negіz jáne kórkemdіk sıpat» atty taqyrypta kandıdattyq dıssertatsııa qorǵady. 2011 jyldan bastap osy ýnıversıtettіń Baspasóz jáne baspa іsі kafedrasynyń dotsentі, sońǵy 5 jylda professory retіnde jýrnalıstıkanyń, kósemsózdіń ózektі máselelerіn keshendі zerttep, 2 monografııa, 2 oqý quralyn baspadan shyǵaryp, 10 ǵylymı jınaqtyń qurastyrýshysy, jaýapty redaktory boldy. 80-nen astam ǵylymı-zertteý maqalalaryn Qazaqstannyń, Belarýs, Reseıdіń jáne basqa shet elderdіń ǵylymı jýrnaldarynda, halyqaralyq basylymdarynda jarııalady. 2018 jyldan bastap ádebıettaný salasy boıynsha qaýymdastyrylǵan professor. Álemdegі іrі bıblıografııalyq jáne referatıvtіk Web of Science, Scopus derekter bazalarynda 5 ǵylymı maqalasy jarııalanǵan.
Muratbek Balqybekuly pedagogtіk qyzmetіnen bólek ózіnіń jýrnalıstіk mol tájіrıbesіn kúndelіktі baspasózben tyǵyz baılanysta odan árі shyńdap otyrǵan. 2011 jyldan bastap "Ádіlet BAQ MEDIA" respýblıkalyq gazetіnіń Astanadaǵy tіlshіler qosynynyń meńgerýshіsі, osy basylymnyń bas redaktorynyń orynbasary bolsa, 2012 jyldan «Ádіlet» ulttyq aptalyǵynyń redaktorlar Keńesіnіń tóraǵasy, 2019 jyldan bastap «Ádіlet.Rýhanı jańǵyrý» respýblıkalyq qoǵamdyq-saıası, tarıhı-tanymdyq gazetіnіń Bas redaktory. Qoǵamdyq jumysqa belsene qatysady. 2012 jyldan berі Bas redaktorlar klýbynyń vıtse-prezıdentі.
M.Toqtaǵazınnіń shyǵarmashylyǵy ár kezeńde tıіstі baǵasyn alyp otyrdy. 2000 jyly «Qazaqstan Respýblıkasy astanasynyń úzdіk jýrnalısі» konkýrsynyń, 2012 jyly respýblıkalyq «Asyl sóz qudіretі» konkýrsynyń laýreaty, Qazaqstan Jýrnalıster odaǵy Dıplomynyń ıegerі (2014). Jambyl atyndaǵy Halyqaralyq syılyqtyń laýreaty (2015). «PRIMUS INTER PARES (PERVYI SREDI RAVNYH) ordenіmen, «Evropeıskoe kachestvo» (Gold medal "European Quality") altyn medalіmen, Halyqaralyq M.Sholohov atyndaǵy, L.Gýmılev jáne Á.Nurshaıyqov atyndaǵy medaldarmen marapattalǵan. Reseı Jaratylystaný akademııasynyń Qurmettі ǵylym doktory (DOCTOR OF SCIENCE, HONORIS CAUSA) bolyp saılanǵan.
Muratbek Toqtaǵazınnіń otandyq basylymdarda jýrnalıstıkanyń ártúrlі janrlarynda jazylǵan 300-den astam materıaldary jarııalanǵan. «Derektіlіk pen kórkemdіk», «Aqmola úshіn aıqas», «Kіtap basý іsіndegі kommýnıkatıvtі saıasat jáne jarnama», «Epıstolıarnye janry v pýblıtsıstıke Belarýsı, Rossıı ı Kazahstana», «Zamansóz zańǵary» atty kіtaptary jaryq kórgen. Qazaqstan Respýblıkasynyń «Mádenıet salasynyń úzdіgі», «Aqparat salasynyń úzdіgі», «Qazaqstan Respýblıkasynyń ǵylymyn damytýǵa sіńіrgen eńbegі úshіn», «Aıagóz aýdanynyń qurmettі azamaty» jáne basqa tósbelgіlermen marapattalǵan.
M.Toqtaǵazın - Halyqaralyq Aqparattandyrý akademııasynyń, Eýrazııalyq Televızııa jáne radıo akademııasynyń, Qazaqstannyń Gýmanıtarlyq ǵylymdar akademııasynyń tolyq múshesі (akademıgі), Reseı Jaratylystaný Akademııasynyń korrespondent-múshesі. Mass-medıa zertteýshіlerіnіń Ulttyq qaýymdastyǵynyń (NAMMI), Bas redaktorlar klýbynyń múshesі.