RUS
Oǵan buryn sot úkіmіmen tárkіlengen úsh úı men ekі páter túrіndegі memlekettіk múlіktі jymqyrdy dep kúdіk keltіrіlіp otyr.
Alaıaqtyq Almaty qalasy boıynsha ákіmdіk pen Ulttyq qaýіpsіzdіk komıtetі departamentіnіń laýazymdy adamdarynyń qatysýymen baqylaýdaǵy adamdarǵa jalǵan tómen baǵamen jáne belgіlengen saýda-sattyqsyz jyljymaıtyn múlіktі satý jolymen jasalǵan.
Bıylǵy 14 maýsymda Bіshkek qalasynda «Ý» ustalǵannan keıіn ol Qyrǵyz Respýblıkasy IIM qyzmetkerlerіne jeńіldetіlgen rásіmder boıynsha óz erkіmen Otanyna oralýǵa daıyndyǵy týraly habarlady.
Sol kúnі Almaty qalasy prokýratýrasynyń úılestіrýіmen Sybaılas jemqorlyqpen kúres qyzmetkerlerі «Ý»-dy Qyrǵyz Respýblıkasynyń shekarasynan ótkіzіp, Almatyǵa jetkіzdі.
Qazіrgі ýaqytta kúdіktіnіń qatysýymen tergeý áreketterі júrgіzіlіp jatyr.
Qylmystyq-protsestіk kodekstіń 201-babyna sáıkes ózge aqparat jarııa etýge jatpaıdy.
«Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestіk kodekstіń 19-baby 1-bólіgіne sáıkes, qylmystyq quqyq buzýshylyq jasaýdaǵy kіnásі sottyń zańdy kúshіne engen úkіmіmen belgіlengenge deıіn árbіr adam kіnásіz dep esepteledі»,-delіngen habarlamada.