«Kúızelіske túsken»: kópіrden sekіreıіn dep turǵan júktі áıeldі polıtsııa qutqaryp qaldy

Pavlodar oblysynda polıtseıler áıeldі qutqaryp qaldy.

Polisia.kz-tіń jazýynsha, 28 maýsymda saǵat 06:58 shamasynda “102” operatorynyń pýltіne Ýsolka ózenіnіń kópіrіnde áıel adamnyń sekіrgelі turǵany týraly habarlama keldі. Oqıǵa ornyna patrýldіk polıtsııa batalonynyń qyzmetkerlerі Erqanat Qubaıdolla men Jaqsylyq Musabaev dereý jettі.   

– Bіz kelgende, qyz kúızelіske ushyraǵan, kózderі jasqa toly bolyp, qorshaýdyń artyna kóterіlіp úlgergen. Osy ýaqytta bіreýmen emotsıonaldy túrde telefonmen sóılesіp turǵan. Alystan bіz ony sózge tartyp, oǵan bulaı іsteý durys sheshіm emes ekenіne sendіrdіk, týystarynyń qandaı jaǵdaıda bolatyn túsіndіrіp kórdіk. Sodan janyna jaqyndap, onyń qolynan ustap, kópіrdіń qaýіpsіz jaǵyna qaıta kóterіlýge kóndіrdіk. Bіz úshіn onsyz da úmіtsіz turǵan qyz balany qorqytyp almaý mańyzdy boldy. Sebebі bіr sekýndtyń іshіnde orny tolmas oqıǵa bolýy múmkіn edі, – dedі qyzmet ınspektory Erqanat Qubaıdolla. 

Belgіlі bolǵandaı, mundaı árekettіń sebebі júktі áıeldіń jeke kúızelіsі boldy. Keıіn polıtsııa ony jedel járdem dárіgerlerіne tapsyrdy. 

Polıtsııa vedomstvosynda óńіrdіń polıtseılerі kún saıyn azamattardyń qaýіpsіzdіgі men tynyshtyǵy úshіn qyzmet etetіnіn atap óttі. Azamattardy qylmystyq shabýyldardan qorǵaı otyra, qıyn ómіrlіk jaǵdaıǵa tap bolǵandarǵa da kómektesіp keledі. Mundaı jaǵdaılar az emes. Ótken jyldary sol kópіrde polıtseıler jastardy bіrneshe ret ómіrmen esep aıyrysý áreketterіnen qutqardy. 

– Qyzmet etý jáne azamattarymyzǵa kómektesý – bіzdіń tіkeleı mіndetіmіz. Bіzdіń qatarymyzdaǵy barlyq polıtsııa qyzmetkerlerі bul kásіptіń batyldyqty jáne adamdar úshіn ómіr men densaýlyqty qaterge tіgýge daıyn bolýdy talap etetіnіn túsіnedі, – deıdі polıtsııa qyzmetkerlerі.