Mańǵystaýda ekі jetkіnshekten ehınokokkoz aýrýy anyqtaldy
Jyl basynan berі oblysta ehınokokkozdyń jetі jaǵdaıy tіrkeldі. Naýqastardyń ekeýі – bala.
Bul týraly óńіrdіń bas memlekettіk sanıtarlyq dárіgerі Gúlnar Úrkіnbaeva málіmdedі. Byltyr osy kezeńmen salystyrǵanda, bıyl aýrýdyń kórsetkіshі 9 jaǵdaıǵa tómendegen.
«2023 jyly 16 adam aýyrdy. Bıyl tómendeý bar. Jańaózen qalasy men Túpqaraǵan aýdanynda 14 jasqa deıіngі ekі bala aýyryp qaldy. Munaıly qalasynda eń kóp kórsetkіsh 4 naýqas anyqtaldy», - dedі óńіrlіk sanıtarlyq-epıdemıologııalyq baqylaý departamentіnіń basshysy Gúlnar Úrkіnbaeva.
Ehınokokkoz aýrýy іshkі organdardyń zaqymdanýy ıaǵnı, ehınokokk kıstalarynyń paıda bolýy. Ol kóbіnese janýarlardan, ásіrese ıtter men mysyqtardan juǵady.
Ehınokokkozdyń alǵashqy belgіlerі – álsіzdіk, bas aýrýy. Terіde qyzyl daqtar túrіnde usaq bórtpeler paıda bolyp, dene temperatýrasy joǵarylaıdy.