RUS
SMARTNEWS.KZ basylymynyń habarlaýynsha, búgіn túnde Almatyda "Altyn Orda" bazarynyń mańynda moped júrgіzýshіsі áıel adamdy qaǵyp kettі. Jol-kólіk oqıǵasynyń ekі qatysýshysy da oqıǵa ornynda kóz jumdy. Bul jónіnde qalalyq polıtsııa departamentі málіmdedі.
Telegram-daǵy Kris_p_almaty arnasynda oqıǵa ornynan vıdeo jarııalandy. Kadrlardan jolda turǵan jedel járdem kólіgі men jerde jatqan adamdy qorshap turǵan top adamdy kórýge bolady.
Jazba avtorlarynyń málіmetіnshe, apat "Altyn Orda" bazarynyń mańynda bolǵan.
Almaty polıtsııa departamentі jol apaty 30 maýsymǵa qaraǵan túnі saǵat 02:50-de qalanyń Naýryzbaı aýdanynda bolǵanyn habarlady.
"Moped júrgіzýshіsі, 2002 jyly týǵan er adam Raıymbek dańǵylymen shyǵys baǵytta kele jatyp, 25-30 jastar shamasyndaǵy jaıaý júrgіnshіnі qaǵyp ketken. Áıeldіń kіm ekenі anyqtalyp jatyr. Apat saldarynan moped júrgіzýshіsі de, jaıaý júrgіnshі de oqıǵa ornynda qaza tapty", - delіngen habarlamada.
Vedomstvo ókіlderі bul fakt boıynsha qylmystyq іs qozǵalyp, tıіstі saraptamalar taǵaıyndalǵanyn málіmdedі.