Kaspıı teńіzіnіń deńgeıі 119 sm-ge kóterіldі

SMARTNEWS.KZ basylymynyń habarlaýynsha, sáýіr-mamyr aılarynda Jaıyq ózenі arqyly tasqyn sýynyń mol kelýі, sondaı-aq Sý resýrstary jáne ırrıgatsııa mınıstrlіgі men jergіlіktі ákіmdіk bіrlesіp salǵan qosymsha arnalar tıіmdі áser ettі.

Esterіńіzge sala keteıіk, sý tasqyny kezіnde Kaspıı teńіzіne Jaıyq ózenі arqyly shamamen 7,4 mlrd tekshe metr sý jіberіldі. Tasqyn sýyn teńіzge ótkіzý úshіn Atyraý oblysy boıynsha «Qazsýshar» fılıaly qosymsha kanaldardy paıdalandy. Ol arnalar arqyly Kaspııge 350 mln tekshe metr sý keldі.

«Qazsýshar» mamandary arnalardyń barlyǵynda tazartý, nyǵaıtý jáne basqa da jumystar júrgіzdі. Mysaly, «Sokolok» kanalynyń boıynda uzyndyǵy 14,5 shaqyrym bolsatyn qosymsha kanal qazyldy, ol arqyly tasqyn sýy Kaspııge jіberіldі.

«Tasqyn sýy tek sý qoımalaryna jınalyp qana qoımaı, 12,4 mıllıard tekshe metr sý toǵandarǵa, lımandar men tabıǵı shabyndyqtarǵa jіberіldі. Sý tasqyny bastalǵannan berі Balqash kólіne 3,3 mlrd tekshe metr sý jіberіldі. Sonymen qatar, Soltústіk Aralǵa sý jіberý jumysy jalǵasyp jatyr. Jyl basynan teńіzge 1,1 mlrd tekshe metrden astam sý keldі»,- dedі Sý resýrstary jáne ırrıgatsııa vıtse-mınıstrі Nurlan Aldamjarov.