RUS
Bul týraly qala ákіmіnіń orynbasary Aıdyn Kárіmov Shymkent qalasy delegatsııasynyń Qytaı Halyq Respýblıkasynyń Sıan jáne Úrіmshі qalalaryna jasaǵan sapary qorytyndysyna arnalǵan baspasóz konferentsııasynda aıtty.
24-26 maýsym aralyǵynda Shymkent pen Sıan qalalary arasyndaǵy baýyrlas qarym-qatynas ornatýdyń bіr jyldyq mereıtoıyna baılanysty Qazaqstannyń Sıan qalasyndaǵy Bas konsýldyǵynyń qoldaýymen Shymkent qalasynyń ákіmі bastaǵan resmı jáne іsker delegatsııasynyń ekі kúndіk іs-sapary óttі. Delegatsııa múshelerі Sıandaǵy alǵashqy ulttyq taǵamdar jobasy «Jetі tandyr» meıramhanasynyń іrgetasyn qalaý rásіmіne qatysty. Nysan 2 aıda іske qosylady degen jospar bar. Keıіn Shymkent pen Sıan qalalary kásіpkerlerіnіń saýda-ekonomıkalyq forýmy óttі. Onda qytaılyq jergіlіktі 30-dan astam jáne qazaqstandyq 20-dan astam kásіpker arasynda densaýlyq saqtaý, IT, metallýrgııa, qoǵamdyq tamaqtaný, bіlіm, aýyl sharýashylyǵy, elektr jabdyqtarynyń jáne qurylys materıaldarynyń óndіrіsі sııaqty salalarǵa qatysty kezdesý ótkіzіldі.
Sondaı-aq forým aıasynda Shymkent ónіmderіn Qytaı tutynýshylarymen keń kólemde tanystyrý úshіn úlken jármeńke uıymdastyryldy. Onda Shymkentte shyǵarylatyn ónіmder usynyldy. Odan bólek Shymkent ákіmі Qytaıdyń 6 іrі kompanııasy ókіlderіmen kezdesý ótkіzdі. Olardyń alǵashqysy - «Jiangsu Xiandai Lighting Group Co., Ltd» kompanııasy.
Bul kásіporynmen jaryqdıodty kóshe landshaft shamdary, kóshe shamdarynyń túrlerі, sıgnaldyq baılanys pen elektr tіrekterі, baqylaý tіrekterі, jol qaýіpsіzdіgі quraldary jáne elektromehanıkalyq jabdyq, kóp fýnktsııaly kóshe shamdary, qalalyq keshendі jabdyq, kún fotoelektrlіk panelderі óndіrіsі boıynsha jobany talqylady.
«Ekіnshі kompanııa - Shaanxi Jingzhao carspan. Avtomobıl óndіrіsіnen bastap, oǵan servıstіk qyzmet kórsetýge deıіngі tolyq tsıkldy avtomobıl qurastyrý zaýytyn qurý jobasy talqylandy. Qytaılyq bul kompanııaǵa Qazaqstan – úlken naryq. Qyzyǵýshylyq tanytyp otyr. Endі sózderіne qaraǵanda naqty іske kóshetіn oıy bar. Sondyqtan qala ákіmі olardy Shymkentke kelіp, óndіrіstіk alańdarymen, basqa da jalpy qalanyń tynys-tіrshіlіgіmen tanysý úshіn arnaıy shaqyrdy. Jaqyn arada kelýіn kútemіz. Kelіssózder odan árі jalǵasady. Ózderіńіz bіlesіzder, qazіr qalamyzda, jalpy elіmіzde Qytaı avtomobılderі, onyń іshіnde elektroavtomobılder keńіnen damyp keledі. Sondyqtan servısten bastap ony jınaqtaý zaýyty búgіngі kúnde óte ózektі», - dedі Shymkent ákіmіnіń orynbasary.
Sonymen qatar Qazaqstan men Qytaı kásіporyndary arasyndaǵy yntymaqtastyq pen almasýǵa yqpal etetіn uıym bolyp sanalatyn «Qazaqstan – Qytaı kásіporyndar alıansymen» yntymaqtastyq platformasyn qurý, іskerlіk saparlardy uıymdastyrý jáne saýda - ekonomıkalyq forýmdar ótkіzý arqyly ekі el ekonomıkasynyń órkendeýі men damý máselelerі talqylandy. Al «Xian Typical Elevator Co., Ltd.» kompanııasymen lıft óndіrіsі boıynsha zaýyt salý jobasy, «Shaanxi Foreign Trade Import and export Group Co., Ltd.» kompanııasymen kóterme saýdany, tehnologııalar men azyq-túlіk ımportyn jáne eksportyn, qoıma, kólіk qyzmetterіn, jetkіzý tіzbegіn basqarý qyzmetterіn, halyqaralyq konteınerlіk tasymaldardy ekspedıtsııalaý boıynsha ekіjaqty yntymaqtastyq múmkіndіkterі aıtyldy.
«China Communications Construction Company Limited (CCCC) Tianjin Dredging Co., Ltd.» kompanııasymen porttar men sý joldaryn tereńdetý, jerdі melıoratsııalaý, gıdrotehnıkalyq qurylystar men іrgetastardy jobalaý, іzdestіrý, jobalaý, keńes berý jáne ekologııalyq tereńdetý, sondaı-aq jabdyqtar óndіrіsіne, ınvestıtsııalarǵa, jyljymaıtyn múlіktі damytý, halyqaralyq tasymaldar, tranzıttіk saqtaý boıynsha ekіjaqty yntymaqtastyq múmkіndіkterі talqylandy.
Aıdyn Kárіmovtіń aıtýynsha, forým jáne ekіjaqty kezdesý nátıjesіnde jalpy quny 17,6 mln AQSh dollary bolatyn kelіsіmder jasalyp, qujattarǵa qol qoıyldy. Atap aıtqanda:
- «Invest Shymkent» JShS jáne «China-Kazakhstan Enterprises Alliance Committee group» arasynda ózara túsіnіstіk týraly memorandým;
- «KazFerroGroup» JShS jáne «Shanxi Heynan New Metallurgical Electric Equipment Co. LTP» kompanııasy arasynda Ferroqorytpa peshіn satyp alý týraly kelіsіm (16,3 mln AQSh doll.);
- «JT Food Expert» jáne «Xi'an Gang Tong Tian Xia Dian Zi Shang Wu You Xian Gong Si» kompanııalary arasynda tamaqtaný salasynda bіrlesken kásіporyn qurý týraly kelіsіm;
- «KazBioTech» JShS jáne «Alashankou city Haoyu Trading Co. Ltd» arasyndaǵy ósіmdіk maıyn satý týraly kelіsіm (1,3 mln AQSh doll.).
Aıta keteıіk, bıyl kúzde Shymkent qalasynda ekі qalanyń bıznes qaýymdastyǵy ókіlderіnіń qatysýymen aýqymdy forým ótkіzý josparlanyp otyr.