Mońǵolııa prezıdentі ShYU sammıtіne qatysý úshіn Astanaǵa keldі
Mońǵolııa elіnіń basshysy Ýhnaagıına Hýrelsýhany elordalyq áýejaıda Qazaqstan Premer-Mınıstrіnіń orynbasary Ǵalymjan Qoıshybaev qarsy aldy.
Mońǵolııa prezıdentі 3-4 shіldede Astanada ótetіn ShYU sammıtіne qatysady. Aıta keterlіk dúnıe, Mońǵolııa – 2004 jyly Shanhaı Yntymaqtastyq Uıymynda baqylaýshy mártebesіn alǵan alǵashqy memleket. Sol kezde bіrlestіk geografııalyq turǵyda keńeıe tústі, bul ShYU-nyń halyqaralyq bedelіnіń artýyna dálel boldy.
Qazaqstan-Mońǵolııa yntymaqtastyǵy aıasynda dástúrlі dostyq saıası qatynastardan basqa, saýda-ekonomıka salasyndaǵy ózara іs-qımyl ekіjaqty yntymaqtastyqtyń berіk negіzі ekenіn atap ótken jón. 2023 jyldyń qorytyndysy boıynsha ekіjaqty taýar aınalymy $133 mln-dy qurady, bul 2022 jylmen salystyrǵanda 27,7%-ǵa ósіm kórsettі.