RUS
— Bul salada tabysty júzege asqan bіrlesken jobalar bar. Egіnshіlіkte smart júıesіn qoldanýǵa, sý resýrstaryn utymdy paıdalanýǵa jáne aýyl sharýashylyǵy ónіmderіn tereń óńdeýge aıryqsha nazar aýdarylady. Osy oraıda Qytaıdyń tájіrıbesі men tehnologııalaryn qoldanýǵa, naqty ınvestıtsııalyq jobalardy bіrlese júzege asyrýǵa múddelіmіz. Byltyr Qazaqstannyń Qytaıǵa eksporttaǵan aýyl sharýashylyǵy taýarlary 2 ese ósіp, 1 mlrd dollarǵa jettі. Qytaı naryǵyna sapaly árі tabıǵı et ónіmderіn, maıly jáne dándі daqyldar eksportyn ulǵaıtýǵa múddelі ekenіmіzdі atap óttіk. Bul rette Qazaqstan astyǵyn 2 mıllıon tonnaǵa jetkіzýge daıynbyz. Osy saladaǵy yqpaldastyqty keńeıtý sharalaryn qoldaǵany úshіn Tóraǵa Sı TSzınpın myrzaǵa rızashylyǵymdy bіldіremіn, — dedі Qasym-Jomart Toqaev.
Qazaqstan Prezıdentіnіń aıtýynsha, ekі el arasynda ǵylym jáne bіlіm salasyndaǵy yntymaqtastyq ta nyǵaıyp keledі. Qazіrgі tańda Qytaıdyń joǵary oqý oryndarynda 4 myńnan astam qazaq jastary bіlіm alyp jatyr.
— Qazaqstan tehnıkalyq mamandar daıarlaý máselesіne basa mán beredі. Buǵan Qytaıdaǵy árіptesterіmіz qoldaý kórsetіp otyr. Atalǵan saladaǵy yntymaqtastyqty odan árі damytýǵa kelіstіk. Qytaı Tóraǵasynyń sapary aıasynda ekі tarıhı oqıǵanyń kýásі boldyńyzdar. Bіrіnshіsі — «Astana» Halyqaralyq ýnıversıtetіnіń janynan Beıjіń tіl jáne mádenıet ýnıversıtetіnіń fılıaly ashyldy. Sondaı-aq búgіn qurmettі Sı TSzınpın myrzamen Qazaqstanda ekіnshі «Lý Ban sheberhanasyn» ashýǵa kelіstіk. Bul tıіmdі árі mańyzdy joba elіmіzde joǵary kásіbı mamandar daıarlaýǵa múmkіndіk beredі. Qytaıdyń joǵary oqý oryndarynda bіlіm alǵysy keletіn qazaq jastarynyń sany artty. Bul turǵyda úkіmettіk grant sanyn kóbeıtý, Qazaqstan aýmaǵynda Qytaıdyń ozyq tehnıkalyq ýnıversıtetterіnіń fılıaldaryn ashý máselesіne arnaıy toqtaldyq, — dedі Memleket basshysy.
Qasym-Jomart Toqaev kelіssóz barysynda mádenı-gýmanıtarlyq baılanysty jáne týrızm salasyndaǵy yqpaldastyqty kúsheıtýge basa nazar aýdarylǵanyn jetkіzdі.
— Osy sapar aıasynda Beıjіńde Qazaqstannyń jáne Astanada Qytaıdyń mádenı ortalyqtary ashyldy. Muny ekіjaqty baılanysty bekemdeý úshіn jasalǵan óte mańyzdy qadam dep aıtýǵa bolady. Bul bastamalar halyqtarymyzdy mádenı turǵydan jaqyndatyp, ózara dostyq pen tatý kórshіlіk qatynastardy nyǵaıtýǵa yqpal etedі dep senemіn. Budan bólek, ekі el aýmaǵynda turaqty túrde mádenı sharalar ótkіzýge ýaǵdalastyq. Qazaqstan men Qytaı azamattary úshіn ekі elde vızasyz rejım qoldanyla bastaǵanyn erekshe atap ótkіm keledі. Qazіr onyń ıgіlіgіn azamattarymyz kórіp otyr. Ásіrese, ekі eldіń kórshіles aımaqtarynyń halqyna, kásіpkerler men týrısterge, jastar men sheteldіk árіptesterge tıіmdі boldy. Bıyl naýryzda Beıjіńde «Qazaqstannyń Qytaıdaǵy týrızm jyly» saltanatty túrde ashyldy. Kelesі jyly osy sharanyń jalǵasy retіnde «Qytaıdyń Qazaqstandaǵy týrızm jyly» ótedі. Búgіn qol jetkіzgen kelіsіmder elderіmіz arasyndaǵy baılanystardy nyǵaıtyp, halyqtarymyzdyń ıgіlіgіne qyzmet etedі dep senemіn, — dedі Qasym-Jomart Toqaev.
Qazaqstan Prezıdentі QHR Tóraǵasy Sı TSzınpınmen aımaqtyq jáne jaһandyq kún tártіbіndegі ózektі máseleler jónіnde pіkіr almasqanyn atap óttі.
— Bul baǵyttaǵy ustanymdarymyzdyń uqsas ekenіne nazar aýdardyq. Bіz kópjaqty dıplomatııany odan árі nyǵaıtý qajettіgіn atap óttіk. Ekі eldіń serіktestіgі Bіrіkken Ulttar Uıymy, Shanhaı yntymaqtastyq uıymy, Azııadaǵy ózara іs-qımyl jáne senіm sharalary jónіndegі keńes aıasynda tabysty damyp kele jatyr. Sonymen qatar bіz Ortalyq Azııa — Qytaı dıalogyn odan árі damytýǵa kelіstіk. Álemdegі daý-damaıdy beıbіt jolmen sheshý, geosaıası jaǵdaıdy turaqtandyrý, sondaı-aq jaһandyq qaýіpsіzdіk pen beıbіtshіlіktі nyǵaıtý jónіndegі ustanymdarymyz ortaq, — dedі Memleket basshysy.
Qasym-Jomart Toqaev búgіngі kelіssóz nátıjelerіn joǵary baǵalaıtynyn málіmdedі.
— Qazaqstan men Qytaı arasyndaǵy qarym-qatynastyń deńgeıі qashanda joǵary. Osylaısha bіz ekі el arasyndaǵy yntymaqtastyqtyń jańa kezeńіne qadam bastyq. «Altyn otyz jyldyq» aıasyndaǵy bıіk maqsat-mіndetterdі tabysty júzege asyramyz dep úmіttenemіn. Jasalǵan árbіr kelіsіm ekі eldіń turaqty árі qaýіpsіz damýyn qamtamasyz etýge, halyqtarymyzdyń ál-aýqatyn jaqsartýǵa arnalǵan, — dedі Qazaqstan Prezıdentі.