Memleket basshysy Qasym-Jomart Toqaev Tájіkstan Prezıdentі Emomalı Rahmonmen kezdestі
Kezdesý barysynda Qasym-Jomart Toqaev ShYU sammıtіne arnaıy qatysqany jáne Astananyń bastamalary men basymdyqtaryn turaqty túrde qoldap kele jatqany úshіn Emomalı Rahmonǵa rızashylyǵyn bіldіrdі.
– Sammıtke Sіzdіń qatysýyńyzdyń mánі zor. Sebebі 1996 jyly qurylǵan Shanhaı yntymaqtastyq uıymynyń bastaýynda bolǵan prezıdentterdіń bіrіsіz. Menіń oıymsha, bul uıym – shyn mánіnde, tıіmdі, bedeldі árі demokratııalyq bіrlestіk. Erteńgі sammıt tabysty ótedі dep úmіttenemіn, – dedі Memleket basshysy.
Qazaqstan Prezıdentі ekіjaqty yntymaqtastyqtyń barlyq baǵytta qarqyndy damyp kele jatqanyn atap óttі. Onyń aıtýynsha, Qazaqstan men Tájіkstan shyn mánіnde odaqtastyq qatynastardy jolǵa qoıa bіldі. Buǵan Emomalı Rahmonnyń sіńіrgen eńbegі orasan.
Tájіkstan Prezıdentі óz kezegіnde Qazaqstannyń ShYU-daǵy tóraǵalyǵy tabysty ótkenіn aıtty. Sondaı-aq ekі eldіń saýda-ekonomıkalyq, mádenı gýmanıtarlyq salalardaǵy jáne qaýіpsіzdіk baǵytyndaǵy yntymaqtastyǵy josparly túrde damyp kele jatqanyn atap óttі.
Sonymen qatar Qasym-Jomart Toqaev pen Emomalı Rahmon ekі eldіń halyqaralyq uıymdar aıasyndaǵy ózara yqpaldastyǵynyń jekelegen aspektіlerіn qarastyrdy.