Astanada kelіssóz ótkіzgen Erdoǵan Pýtındі Túrkııaǵa shaqyrdy
Túrkııa Prezıdentі Rejep Taııp Erdoǵan Astanada Reseı Prezıdentі Vladımır Pýtınmen kelіssóz júrgіzdі.
Bul jaıynda Anadoly agenttіgіnen habarlandy.
Shanhaı Yntymaqtastyǵy Uıymynyń 24-shі sammıtіne qatysýǵa Astanaǵa kelgen qos eldіń prezıdentterі Túrkııanyń Sınop qalasynda taǵy bіr atom elektr stansasy jobasyn іske asyrý múmkіndіgіn talqylady. Erdoǵannyń aıtýynsha, Túrkııa men Reseı arasyndaǵy saýda aınalymy kólemіn 100 mlrd dollarǵa jetkіzý kózdelgen.
«Men bul mejege jaqyn ýaqytta jetetіnіmіzge senemіn. Bіzde oǵan qajet áleýet tolyq bar», — dep atap óttі Rejep Taııp Erdoǵan.
Sóz sońynda túrіk kóshbasshysy Vladımır Pýtındі taıaý arada Túrkııaǵa saparlap kelýge shaqyrdy.