RUS
Qasym-Jomart Toqaev Antonıý Gýterrıshtіń sapary Qazaqstan men BUU arasyndaǵy jan-jaqty yntymaqtastyqty nyǵaıtýǵa zor múmkіndіk beretіnіn atap óttі.
– Sіzdіń Astanaǵa saparyńyz jáne ShYU sammıtіne qatysýyńyz Qazaqstan men BUU arasyndaǵy tyǵyz qarym-qatynastyń jarqyn belgіsі sanalady. Bul bіzdіń BUU qyzmetіne atsalysyp jatqanymyzdy kórsetedі. Qazіrgі kúrdelі jaǵdaıda Qazaqstan jáne men de Memleket basshysy retіnde BUU-nyń jumysyn jan-jaqty qoldaımyz, – dedі Prezıdent.
Antonıý Gýterrısh ózіnіń saparyn BUU-nyń Qazaqstanǵa jáne onyń ShYU tóraǵalyǵyna kórsetken qoldaýy men tіleýlestіgіnіń kórіnіsі retіnde qarastyratynyn málіmdedі
– Qazaqstan beıbіtshіlіk jolyndaǵy kúrestіń jarqyn úlgіsіn kórsetіp keledі. Sіzdіń elіńіz bіrіgý іsіnde dáneker, sonyń іshіnde óte kúrdelі jaǵdaılarda árqashan altyn kópіr, beıbіtshіlіktіń elshіsі boldy. Astana kóptegen bіtіmgerlіk bastamalardyń, sonyń іshіnde Sırııa boıynsha Astana protsesіnіń ortalyǵyna aınaldy. Astana árdaıym beıbіtshіlіk alańy boldy. Qazaqstannyń bedelі zor. Sіzder ıadrolyq qarýsyzdaný salasynda kóshbasshy elsіzder jáne basqa da kóptegen salada beıbіtshіlіkke beıіldі ekenderіńіzdі tanytyp kelesіzder, – dedі Antonıý Gýterrısh.
BUU Bas hatshysy Astananyń Shanhaı yntymaqtastyq uıymyna tóraǵalyǵyn joǵary baǵalady. Antonıý Gýterrısh Qazaqstanda júzege asyrylyp jatqan aýqymdy saıası jáne ekonomıkalyq reformalardy qoldaıtynyn, elіmіzdіń jaһandyq qaýіpsіzdіk pen beıbіtshіlіktі qamtamasyz etý іsіnde mańyzdy ról atqaratynyn atap óttі.
Sonymen qatar kezdesýde Ortalyq Azııa memleketterі arasyndaǵy aımaqtaǵy kooperatsııany nyǵaıtý máselelerіne erekshe nazar aýdaryldy. BUU Bas hatshysy óńіrdegі ekonomıkalyq ıntegratsııa úderіsіne joǵary baǵa berіp, onyń jaһandyq máselelerdі sheshýdegі áleýetі zor ekenіne toqtaldy.
Budan bólek, Qazaqstan men BUU arasyndaǵy kópjaqty yntymaqtastyqtyń basym baǵyttary, sondaı-aq halyqaralyq kún tártіbіndegі ózektі máseleler talqylandy.