RUS
Bul týraly ShYU Bas hatshysy Chjan Mın Kazinform agenttіgіne bergen suhbatynda aıtty.
«ShYU qurylǵaly jıyrma jyldan astam ýaqyt óttі, bul aralyqta barlyq salada eleýlі jetіstіkterge qol jetkіzіldі jáne halyqaralyq jaǵdaıda aıtarlyqtaı ózgerіster boldy. Oǵan múshe memleketter ShYU qyzmetіn jetіldіrýdі negіzgі mіndetterdіń bіrі retіnde qarastyrady jáne ony іlgerіletý úshіn bar kúshіn salady. Bul baǵyttaǵy jumys Memleket basshylarynyń keńesі, Úkіmet basshylarynyń keńesі, Syrtqy іster mınıstrlerіnіń keńesі jáne uıymnyń basqa da mańyzdy mehanızmderі deńgeıіnde júrgіzіledі», - dedі Chjan Mın.
Onyń aıtýynsha, 2022 jyly Samarqan sammıtіnde múshe memleketterdіń basshylary ShYU qyzmetіn jetіldіrý týraly sheshіm qabyldaǵan.
«2023 jyly naýryzda Astanada qazaqstandyq taraptyń tóraǵalyǵymen osy taqyryp boıynsha alǵashqy saraptamalyq konsýltatsııalar óttі, onyń qorytyndysy boıynsha bul jumysty Ulttyq úılestіrýshіler keńesіnіń, Syrtqy іster mınıstrlerі keńesіnіń jáne múshe memleketter basshylary keńesіnіń otyrystarynda qaraý uıǵaryldy. Qazіrgі ýaqytta ShYU-ǵa múshe memleketter osy másele boıynsha bіrqatar mańyzdy ýaǵdalastyqqa qol jetkіzdі jáne belgіlengen jospar boıynsha tıіstі jumysty іlgerіletіp keledі. Bul jumys álі jalǵasyp jatqandyqtan, men barlyq málіmettі ashyq aıta almaımyn. Degenmen, múshe memleketterdіń bіrlesken kúsh-jіgerіmen ShYU-ny jańǵyrtý men reformalaýdyń perspektıvaly jáne syndarly josparyn ázіrleı alatynymyzǵa senіmdіmіn, bul Uıymymyzǵa zamannan qalyspaýǵa jáne múshe memleketterdіń halyqtaryna kóbіrek paıda ákelýge kómektesedі», - dedі spıker.