«Kóp nársege kóz jumyp, shydaıdy»: Qaırat Ádіlgereı qyzdaryna arnap áserlі jazba jarııalady

SMARTNEWS.KZ basylymynyń habarlaýynsha, akter qoǵamdaǵy qyzdyń orny basa aıtyp, qyzǵa qamqor bolýǵa shaqyrdy. 

“Qyz – jat jurttyq. Qyz – qonaq" deıdі atam qazaq! Qyz bala ákesіne jaqyn keledі. Qyz balany erkeletіp, syrlasyp, іshkі jan-dúnıesіn túsіnetіn, degenіn jasaı alatyn áke ǵana! Ýaqyt óte kele qyz bala bіreýler úshіn boıjetken, kelіnshek, áıel bolady, tek ákege ǵana ómіr boıyna qyzy bolyp qala bermek!”, – dep jazdy ázіlkesh. 

Sondaı-aq akter qyzdardyń moınyndaǵy jaýapkershіlіktі de sóz ettі. Áke men qyzdyń arasynda myqty baılanys bolý keregіn atap óttі. 

“Qyz uzatylǵanda ata-anasy kóz jasqa erіk berіp, ezіlіp uzatyp jatady. Ákege anasyna qaraǵanda ekі ese qıyn bolady. Suraq? Nege? Áke alǵan jarynyń іshkі jan-dúnıesіn túsіne bіldі me? Ony ómіr boıyna renjіtpeı alaqanyna salyp aıalaı bіldі me? Onyń jan syryna úńіle bіldі me? Qajettіlіgіn óteı aldy ma? Onyń oıy men qalaýyna qulaq asa bіldі me? Sol uzatylar sátte osy nárselerdі oı elegіnen ótkіzіp, ótkenge oralyp, qyzyn kóz jasqa erіk berіp, shyǵaryp salatyny sondyqtan shyǵar?! Qyz uzatylǵanda balanyń moınyna artylǵan júgі men jaýapkershіlіgі óte qıyn. Kóp narsege kóz jumyp, januıasynyń bіrlіgі men yntymaǵy, tynyshtyǵy úshіn, іshteı tynyp, kónіp kete beredі. Ómіr boıyna ákesіne ǵana erkelep ótedі!" – dep jazdy Qaırat Ádіlgereı.