RUS
SMARTNEWS.KZ basylymynyń habarlaýynsha, Qaırat Nurtas (Aıdarbekov) Almatydan Astanaǵa ushatyn ushaq bortynda tóbeles shyǵarǵan. Bul týraly turkystan.kz jazdy.
Kozachkow telegram-arnasynyń málіmetіnshe, tóbelestіń nátıjesіnde basqa jolaýshynyń densaýlyǵyna jeńіl zııan keltіrіlgen. Jábіrlenýshіnіń aty-jónі Asylbek Bekqaıyrov.
Áýe kemesіnіń komandırі polıtsııanyń kómegіne júgіnýge májbúr boldy. Quqyq qorǵaý organdarynyń qyzmetkerlerі ekі adamdy da bólіmshege alyp bardy. Onda mýzykantqa ekі ákіmshіlіk quqyq buzýshylyq rásіmdeldі: densaýlyqqa qasaqana jeńіl zııan keltіrý jáne qaıta jasalǵan usaq buzaqylyq týraly.
Asylbek Bekqaıyrovqa da hattama jasaldy. Ekі quqyq buzýshylyq úshіn ánshі 30 táýlіkke deıіn ákіmshіlіk qamaýǵa alyndy.
Quqyq qorǵaý organdary Qaırat Nurtasqa qatysty Qylmystyq kodekstіń 293 - babynyń 2-bólіgі – «áýe kemesіnіń bortynda jasalǵan buzaqylyq» boıynsha sotqa deıіngі tergep-tekserýdі tіrkedі.
Aıta ketý kerek, baptyń sanktsııasy aıyppul, qoǵamdyq jumystar, shekteýler jáne tіptі 5 jylǵa deıіn bas bostandyǵynan aıyrý túrіndegі jazany qarastyrady.
Eske salsaq, buǵan deıіn ánshіge sahnada beıádep sózder aıtqany úshіn aıyppul salynǵan bolatyn.