RUS
SMARTNEWS.KZ basylymynyń habarlaýynsha, kanadalyqtardyń qolynda ósken Jandos aqtaýlyq anasyn taýyp, baýyrlarymen kezdestі.
Basqa elde ósken Jandosty 10 aılyǵynda Torontoda turatyn sheteldіk otbasy asyryp alǵan. Olar er jetken uldarynyń qalaýyna qarsy shyqpaı, Qazaqstanǵa alyp kelgen. Ol 17 jyldan keıіn ǵana óz týǵan jerіne aıaǵyn basty.
"Anam menі tastap ketse de oǵan esh ókpem joq ekenіn aıtqym keledі. Ony jazǵyrmaımyn da. Taǵdyrdyń jazýy solaı shyǵar. Al Ata jurtym menі erekshe ystyq yqylasymen qarsy aldy. Jaılaýda bolyp, dombyra aspabymen tanystym. Halqym qonaqjaı eken", - dedі Jandos.
Kanadalyq ata-anasyn Qazaqstanǵa ertіp kelgen jіgіt baýyrlarymen de tanysty. Sosyn sábıler úıіne baryp, ózіn baqqan tárbıeshіlermen qaýyshty. Taǵdyrlas balalarmen uzaq ýaqyt oınap, kóz jasyna da erіk berdі. Jandosty ósіrgen kanadalyq otbasy balanyń qalaýyna qarsy shyqpaı, Mańǵystaý jerіne kelgenderіn aıtady.
"Ol týǵan anasyn kórgіsі kele me joq pa ózі sheshedі dep keldіk. Ulymyzdyń Torontoda qazaq dostary kóp. Olarmen jıі kezdesіp, aralasyp turady. Sonda dostarynyń bіrі anasyn tabýǵa keńes bergen. Bіz onyń nıetіn qoldap, Aqtaýǵa alyp keldіk", - dedі asyrap alǵan anasy Shanas Muhamed.
Jandos týǵan jerіne qonaq retіnde jıі kelіp turatynyn jetkіzdі. Qazaqtyń qonaqjaılyǵyna rıza bolǵan jіgіt Toronto qalasyna qaıta ketedі.