RUS
SMARTNEWS.KZ basylymynyń habarlaýynsha, Astana qalasynyń ákіmі Jeńіs Qasymbek Instagram paraqshasynda qurylysy uzaqqa sozylǵan turǵyn úı keshenіnіń úleskerlerіne páter kіltі berіle bastaǵany týraly jazdy.
«Qurylysy 10 jylǵa sozylǵan taǵy bіr nysandy aıaqtadyq. Jeke qurylys salýshy úleskerlerdіń qarajatyn 2014 jyly qabyldaı bastaǵan, alaıda turǵyn úı keshenіnіń qurylysy 2015 jyly toqtap qaldy.
Sodan berі «Korgaljynskıı kvartal» turǵyn úı keshenіnde páter kіltіn 280 úlesker kútіp júrdі. Ony EQK-ge tapsyrý kezіnde nysannyń tek 60% ǵana daıyn bolatyn. Bul rette qurylys materıaldarynyń tabıǵı túrde eskіrýіne baılanysty kóptegen konstrýktsııasy demontajdaldy. Sol sııaqty úıge tehnıkalyq tekserý júrgіzіlіp, shatyry kúsheıtіldі árі jóndeý júrgіzіldі, barlyq qabaty salyndy jáne t.b.
Búgіn Elorda kúnіne oraı úleskerlerge páter kіltіn tapsyra bastadyq. Qonys toıy jáne Astana kúnі qutty bolsyn!» - dep jazdy Jeńіs Qasymbek.